Dön’ya matbuğatına küzätü 23.12. 2020
23nçe dekabr' könne çıqqan qayber çit il mäğ'lümat çaralarına küzätü
France 24 kanalı citkergänçä Franśiyä Angliyädän kilüçe häm Kovid-19 testı negativ çıqqan yulçılarğa ilgä kerüne röxsät itäçäk.
“Le Parisien” gazetı yazğança, Franśiyädä mäxkämä afro muzıkant Mişel’ Zeklernı qıynağannan soñ qulğa alınğan poliśiyä xezmätkärlären irekkä cibärergä teli.
Germaniyäneñ Bild.de säxifäse xäbär itkänçä, mutaśiyä kiçergän koronavirusta 23 genetik üzgäreş açıqlanğan.
“Deutsche Welle” gazetı Afrikada koronavirusnıñ ikençe dulqını yanawı barlıqqa kilüen yaza.
Spiegel.de säxifäse Germaniyädä Yaña yıl bäyrämnäre öçen feyerverk satu tıyıluın citkerä.
Katarnıñ Al Jazeera kanalı xäbär itkänçä, Vaşington Süriyädäge qayber keşe häm oyışmalarğa qarata yaña sankśiyälär kertte. Aralarında däwlät başlığınıñ xatını Êsma Äsad ta bar.
Katarnıñ “Al-Raya” gazetı yazğança, BMO ğomum şurası Könçığış Qudüsne dä kertep basıp alınğan Fälästin cirlärendä fälästinlelärneñ daimi suverenlığı öçen tawış birde.
“Al-Quds Al-Arabi” gazetı citkergänçä, AQŞ wäkillär palatası räise Nênsi Pelosi Trampnı çäçennän österäp Aq Yorttan çığaraçağın söyläde.
İspaniyäneñ “El País” gazetı koronavirusnıñ yaña variaśiyäseneñ Awrupada tarala başlawın belderä.
“La Vanguardia” gazetı citkergänçä, BioNTex, kiräk bulsa, 6 atna êçendä koronavirusnıñ yaña versiyäse öçen vakśina yasıy ala.
Argentinanıñ “Infobae” mäg’lümat çarası yazğança, Peru êpidemiologik uyawlıq sistemasın iñ yuğarı däräcägä citkerde häm koronavirus oçraqları artu säbäple plyajlarnı yaptı.
RİA Novosti mäğ’lümat agentlığı citkergänçä, Rusiyä däwlät başlığı Vladimir Putin êlekkege ilbaşlarınıñ qağılğısızlığın garantiyäläwçe qanunnı imzaladı.
RT xäbär säxifäse Angliyädä tabılğan koronavirus mutaśiyäseneñ Rusiyädä oçramawı turında yaza.
“Tatar-inform” mäğ’lümat agentlığı citkergänçä, Tatarstan parlamentı räise urınbasarı Marat Äxmätov jurnalistlarnı berençelärdän bulıp vakśinalaştırırğa kiräklegen äytte.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü