Дөнья мaтбугaтынa күзәтү - Dön’ya matbuğatına küzätü 27.11.2020

Al-Raya Al-Katariya (Qatar): Törkiyä häm Qatar alkileşügä qul quyıp strategik mönäsäbätlärne köçäytä.

“Watan” (Oman): G-20 liderları koronavirus (Kovid-19) vakśinasınıñ ğadel räweştä taratıluın finanslaw süzen birde.

“Äl-Mustakbal” (Livan): Yordaniya, Berläşkän Ğäräp Ämirlekläre, Soğud Ğäräbstanı häm Misır dürt yaqlı cıyılışta Süriyä krizisın quzğataçaq.

“Tagesschau.de”: Germaniyada dekabr’ ayı öçen koronavirus çaraları: mäktäplär açıq bulaçaq, iñ küp biş keşe bergä bula alaçaq, bitlek mäcbüriyäte kiñäyteläçäk. Raştua häm yaña yıl qotlawları öçen iskärmälär aldan qaralğan.

Süddeutsche Zeitung: Germaniyada koronavirus: Kanśler Angela Merkel Awrupadağı böten çañğı şuu üzäkläreneñ yabıluın teli.

Bild.de: Maradonanıñ miras sere: Futbolçınıñ mirasına närsä bulaçaq?

Infobae (Argentina): Diego Maradona belän xuşlaşu: ğailäse häm iptäşläre maxsus cıyın belän belän üzen soñğı yulğa ozattı. 

La Vanguardia (İspaniya): İspaniyada xastaxanälär Raştua aldınnan koronavirus barışınnan borçıla.

El País (İspaniya): Oksford universitetı “Kovid-19” vakśinası belän bäyle soñğı mäğ’lümatläre belän anıñ täêsirenä qarata şöbxälär uyandırdı.

“Le Monde”: (Franśiyada) Poliśiya qırıslığınıñ artuı aldında Franśiya İlbaşı Êmmanuêl Makron häm xökümäte wazğiyätne tigezläw êzlänüendä.

France 24: Ägär saylaw şurası Djo Bayden faydasına tawış birsä, Donal’d Tramp Aq Yorttan kitäçäk.

Lenta.ru: Kreml’ süzçese Dmitriy Peskov: "Rusiyädä koronavirusqa qarşı kümäk vakśinaśiyäläw yaña yıl aldınnan başlanaçaq"

“RİA Novosti”: Ärmänstanda wazıyfa başqaruçı Rusiyä ğaskäriye üle kileş tabıldı. Waqıyğa belän bäyle tikşerü başlatıldı.

“TASS”: “Forbes” Rusiyädäge iñ yuğarı êş xaqı bulğan hönärlärneñ isemlegen äzerläde. Jurnalğa kürä, iñ küp neft’ häm tabiğıy gaz, sänäğät häm telekommunikaśiya şirkätläreneñ citäkçeläre qazana.

Tatarstannıñ “Tatar-inform” agentlığı tanılğan şağıyr’ Xänäfi Bädiğıynıñ wafat buluın xäbär itä. Märxüm irtägä tuğan yağı – Arça rayonı Möräle awılı ziratında cirlänäçäk.