Dön’ya matbuğatına küzätü 26.11.2020

“Le Monde” basması yazğança Franŝiya karantinnı 3 êtapta beteräçäk.

“Le Parisien” gazetı beldergänçä futbol dön’yasında matäm, Diyego Armando Maradona yaqtı dön’yadan kitte.  

“France 24” televideniyese xäbärenä kürä Franŝiyada här yıl yaqınça 220 meñ xatın-qız ğailädä qırıslıqqa duçar qala.  

Argentinanıñ “Clarin” basması citkergänçä tanılğan futbolçı Maradona wafat. Argentinanıñ Alsu sarayında uzaçaq cıyında ber million keşeneñ qatnaşuı kötelä.  

Meksikanıñ “El Universal” gazetı yazğança Amerikan sälamätlek saqlaw organnarı watandaşların Meksikağa säyäxät itmäwläre mäs’äläsendä kisätte.

İspaniyada çığuçı “ABC” basması beldergänçä ber tamçı selägäydän taraluçı koronavirus östendäge saqlawçı qatlam yärdämendä sägät’lär buyı canlı qala ala.   

“Elqudus” gazetı Berläşkän Millätlär Oyışmasınıñ Fälästinle qaçaqlarğa yärdäm itü agentlığınıñ tübändäge açıqlawın uquçıları belän urtaqlaşa: “Soŝial’ qırıslıqqa duçar qaluçılarğa töp yärdäm finans defiŝit arqasına risk astında.”

“Elraya” basması xäbärenä kürä Qatar-Törkiyä Yuğarı strategik komitet cıyılışı belän Şäyex Tamim bin Xamad Al Thani häm Räcäp Tayyip Ärdoğan citäkliyäçäk.

“Eldustour” gazetı citkergänçä İrekle säwdä kileşüe Yodaniyaneñ Amerika Quşma Ştatlarına êksportın arttırıp, tovar êksportınıñ 23%ın täşqil’ itte.

Alman telendäge Tagesschau.de xäbär säxifäse yazğança Awrupa Berlege komissiyase koronavirus vakŝinasına raslaw alırğa äzerlänüçe Amerikalı Moderna şirkäte belän 160 million doza vakŝinanıñ tapşırıluı mäs’äläsendä kileşü tözede.

Deutsche Welle media oyışması beldergänçä Berlinda Ministrlar Kabinetı binası qapqasına maşinası belän kilep bärelgän keşe cinayät’çe bulıp çıqtı.

RBK xäbär säxifäse citkergänçä Mäskäw mêrı Sergey Sobyanin koronavirus çaraların ğıynwar ayı urtasına qadär ozınayttı.

Lenta.ru xäbär säxifäse yazğança AQŞ Rusiyä saqlanu ministrlığına yaña çikläwlär kertergä äzerlänä.

“İzvestiya” gazetı beldergänçä Rusiyäneñ tınıçlıq köçe ğaskäriläre Tawlı Qarabaxta cämğıyät’ transportınıñ qabat xezmät kürsätä başlawına yärdäm itte, ayıruça şähärlärgä su häm êlektr da birelde.

“Tatar-inform” mäğlümat agentlığı xäbärenä kürä Rusiyädä koronaviruska qarşı yasalğan ikençe vakŝinanı Tatarstanda sınıylar.