Dönya matbuğatına küzätü 18.11.2020

“Le Monde” yazğança, Franśiyada mart ayınnan birle 2 millionnan kübrӓk keşe Kovid -19 yoqtırdı, lӓkin kümӓk tırışlıqnıň nӓticӓlӓre kürenӓ başladı.  

“France 24” Franśiya êçke êşlӓr ministrı Oliv’ye Verannıň xӓzergӓ   êş urınnarı, kibetlӓrne  qabat açu turında süz barmawı turında belderüen citkerӓ.  

“Le Parisien” Parijda çüp cıyuçılarnıň êş şartların yaxşırtunı talӓp itep êş taşlawın belderӓ.

“Deutsche Welle” xӓbӓr itkӓnçӓ, Xalıqara Qızıl Xaç hӓm Qızılay cӓmğıyӓt’lӓre Federaśiyӓse global’ cılınunıň koronavirustan tağın da zurraq qurqınıç buluın citkerde.  

“Zeit.online.de” beldergӓnçӓ, Germaniya hӓm Daniyӓdӓ H5N8 virusı, yӓğ’ni qoş grippı arqasında un meňlӓgӓn tawıq yuq itelӓçӓk. 

“Al-Quds Al-Arabi” citkergӓnçӓ, amerikalı 40 xalıq ışanıçlısı Amerika Quşma Ştatları dӓwlӓt sӓrqӓtibe Mayk Pompeonıň İzrailneň ber Fӓlӓstin awılın cimerüen ğayeplӓwen soradı hӓm toraq punktlarğa baruın oyat dip bӓyӓlӓde.

“El Pais” İspaniya oçırtqan iyӓrçenneň 8 minıttan soň yuğaluınıň keşe xatası arqasında kilep çığuı turında yaza.  

“El Mundo” UEFA millӓtlӓr ligası matçında İspaniya Germaniyanı 6-0 isӓbe belӓn ciňde dip belderӓ.  

“El Nacional” citkergӓnçӓ, Panamağa kilep citkӓn İota ğarasatında kim digӓndӓ 1 keşeneň ğomere özelde, 3 keşe yuğaldı.   

”TAAS” agentlığı Rusiya Federaśiyӓse dӓwlӓt başlığı Vladimir Putinnıň “Tawlı Qarabaxnıň statusı kilӓçӓktӓ bilgelӓnӓcӓk” dip ӓytüen citkerӓ.

“Lenta.ru” beldergӓnçӓ, AQŞnıň êlekkege dӓwlӓt başlığı Barak Obama üzeneň yaňa kitabında Rusiyӓneň “super derjava” statusın yuğaltuın ӓytte. 

“Rossiya-24 TV” Rusiya Federaśiyӓse dӓwlӓt başlığı Vladimir Putinnıň Ӓrmӓnstan prem’yer-ministrı Nikol Paşinyannıň xıyanӓtkӓ duçar bulu dӓğ’wasınıň nigezsez buluı turında ӓytüen citkerӓ.

“Tatar - inform” xӓbӓr itkӓnçӓ, Tatarstanda tӓwlek êçendӓ Kovid -19 infekśiyӓse belӓn zararlanunıň 62 oçrağı açıqlanğan. Respublikada yaňa koronavirus infekśiyӓse tarala başlağannan birle barlığı 9 meň 428 keşe awırdı.