Дөнья мaтбугaтынa күзәтү - Dön’ya matbuğatına küzätü 05.10.2020

Äl-Cäzire (Qatar televideniyese): Awrupadan suğışnıñ xäzer ük beterelüe çaqıruı. Azärbaycan İlbaşı İlham Aliyev: “Tınıçlıqnıñ şartı Ärmänstannıñ Tawlı Qarabaxtan çigenüe.’   

Är-Rayä äl-Qatariyyä (Qatar): Äfğanstan İlbaşı Äşräf Gani bügen (düşämbe) Qatar başqalası Dohağa kitä. Gani irtägä Qatar Ämire Şäyex Tämim bin Hamäd Al Sani belän küreşäçäk.

Äl-Quds äl-Arabi (Soğud Ğäräbstanı): Yaña tör koronavirusnı (“Kovid-19”nı) yoqtırğan Amerika Quşma Ştatları İlbaşı Donal’d Tramp yaqlawçılarına maşinanıñ êçennän sälam birgännän soñ xastaxanägä kire qayttı.

Deutsche Welle: Tışqı êşlär ministrlığı Ärmänstannıñ Azärbaycannıñ Gäncä şähärendä tınıç xalıqnı maqsat itep alğan höcümnären gäyepläde.

Welt.de: Anketa: AQŞta İlbaşı namzäte Djozef Bayden köndäşe İlbaşı Donal’d Trampnıñ “Kovid-19”nı yoqtıruınnan soñ 10 bilgegä alğa uzdı. Tramp kizügä citdi itep qaramawda tänqıyt’länä.

Finanzen.at: Könçığış Urta diñgezdäge tabiğıy gaz (êzläw êşçänlege) kileşmäwçänlegendä Törkiyä häm Greśiya arasında tınıçlanu mömkin.

Le Figaro (Franśiya): Franśuzlar (Franśiya İlbaşı Êmmanuêl’) Makronnıñ pensiya reformasına här waqıttan tağın da kübräk qarşı çığa.

France 24 (Franśiya): Kovid-19: Parij “maksimum sörän” däräcäsenä küçte, restorannar qayber şartlarda açıq bula alaçaq.

Le Parisien (Franśiya): Yaña Kaledoniyada Franśiyadan bäysezlek referendumda 53,26% belän kire qağıldı.

El Mundo (İspaniya): İspaniya Milli iminlek departamentı Baş ministr Pedro Sánçeznı “Kovid-19” yanawı mäs’äläsendä ğıynvar’ häm mart ayları aralığında sörän wazğıyätennän êlek kim digändä 11 tapqır kisätte.

Infobae (Argentina): Çilidäge protest waqıtında ber balanıñ poliśiya tarafınnan yılğağa ırğıtıluı baş kütärügä säbäp buldı.

El País (İspaniya): Argentina xökümäte aqça berämlege pesonıñ kisken deval’vaśiya yäşäwen totqarlaw öçen köräş alıp bara. Aluçılar belän tözelgän kileşü milli aqça berämlegenä bulğan ışanıç krizisın kiresenä äyländerde.

RBK: Rusiyälelärneñ 70%ınnan kübräge “Kovid-19” vakśinasın yasaw öçen äzer bulmawların belderde.
News.ru: Sentyäbr’dä 500 meñnän kübräk Rusiyä turistı Antaliyada bulıp qayttı.
evo-rus: Belarus häm Rusiyä arasındağı xärbi xezmättäşlekneñ köçäytelüe NATOnı kiyerenke qıla.

Tatarstannıñ “Tatar-inform” agentlığı legendar diktor İlfat Abdraxmanovnıñ soñğı yulğa ozatıluın xäbär itä.