Dön’ya matbuğatına küzätü 28.09.2020

Deutsche Welle media oyışması beldergänçä Azärbaycannıñ Tawlı Qarabax töbägendä Azärbaycan-Ärmänstan arasında köçle bäreleşlär küzätelä.

Alman telendäge Spiegel.de internet säxifäse yazğança Greŝiyaneñ Lesbos utrawındağı Moria qaçaqlar lagerendä çıqqan zur yanğınnan soñ baliğ bulmağan 50 qaçaq çärşämbe könne Germaniyağa baraçaq.

Qatarda dön’ya kürüçe “Al-Raya Al-Katariya” gazetı citkergänçä Yordaniya patşası Abdullah II noyabr’ ayındağı saylawğa äzerlek qıalarında xökümätne töşerde.

Livannıñ “El-Mustakbal” basması İran dini liderı Ayetullah Ali Xamaneynıñ Yuğarı xärbi kiñäşçese Yaxya Raxim Safevineñ tübändäge süzlärenä urın birä: “Ğıyraq häm Süriyädäge wazıyfabız aqça belän.”

Omanda çığuçı “VATAN” gazetı xäbärenä kürä Bötendön’ya sälamätlek saqlaw oyışması tübändägeçä belderde: “Vakŝina yasalğançı Kovid-19dan ülüçelär sanı 2 millionğa citär.”

İspaniyada basıluçı “El País” basması yazğança başqala Madridtağı Kovid-19ğa qarşı çaralar êlektänräk küreläse bulğan.

Şul uq ildä dön’ya kürüçe “El Mundo” gazetı citkergänçä İspaniyaneñ çit illärgä burıçı 2,2 trillion yevroğa citte.  

Franŝiyaneñ “Le Figaro” basması beldergänçä franŝuzlarnıñ kübese êlekke prem’yer-ministr Êduard Filippeneñ säyäsi tormışqa kire qaytuın teli.

France 24 televideniyese xäbärenä kürä başqala Parijda restoran häm barlarnıñ cirle sägät’ belän kiçke 22.00da yabıluı qararı protest itelä.

Şul uq ildä çığuçı “Le Parisien”gazetı yazğança Amerikan ilbaşı Donal’d Tramp saylanğan 2016 yıldan birle barı tik 750 dollar federal’ salım tüläde.

Rus telendäge “İzvestiya” basması citkergänçä Belarus’ däwlät başlığı Aleksandr Lukaşenko Franŝiya ilbaşı Êmmanuêl’ Makronnıñ wazıyfadan kitü çaqıruına cawap birde häm Makronnıñ qamil säyäsätçe bulmawın äytte.

Vedomosti xäbär säxifäse beldergänçä alman telendäge Spiegel gazetı Germaniya Kanŝlerı Angela Merkel’neñ Aleksey Naval’nıy yatqan klinikağa yäşeren baruın yaza.

Lenta.ru internet säxifäse xäbärenä kürä Azärbaycan tışqı êşlär ministrlığı Terter şähärenä ut açqan Ärmänstannı soñğı tapqır kisätülären belderde.

“Tatar-inform” mäğlümat agentlığı yazğança uzğan täwlektä Tatarstanda koronavirus yoqtırunıñ 25 yaña oçrağı terkälgän. Xäbärgä kürä respublikada barlığı Kovid-19 infekŝiyasen yoqtırunıñ 7160 oçrağı terkälgän.