Дөнья мaтбугaтынa күзәтү - Dön’ya matbuğatına küzätü 24.09.2020
Кaйбeр чит ил бaсмaлaрынa күзәтү / Qayber çit il basmalarına küzätü
Tagesschau.de: Germaniya tışqı êşlär ministrı Heiko Maas tän saqçılarında yaña tör koronavirus (Kovid-19) bilgelängännän soñ Yordaniya säfären ğamäldän çığardı. Alman ministrı karantinğa alındı.
Reuters.com: Alman xökümäte Afina-Änkara dialogınnan qanäğät – Awrupa Berlegennän Törkiyägä qarşı sankśiya ixtimalı yıraqlaştı.
Deutsche Welle: NATO Ğomum särkätibe Yens Stoltenberg Könçığış Urta diñgez krizisı arqasında kiyerenkelek yäşägän Törkiyä belän Greśiya arasındağı xärbi söyläşülärdä "yaxşı yulnıñ uzıluın” açıqladı.
El País, İspaniya: Madrid logistika mäs’äläsendä koronavirus belän “aşığıç” köräşkä kertelüen teli häm başqa töbäklärdän 300 tabib sorıy.
El Mundo, İspaniya: Venesuêla İlbaşı Nikolas Maduro Miraflores İlbaşı sarayın saqlaw öçen yäşeren maxsus törkem tözi.
Infobae, Argentina: Amerika Quşma Ştatları Kubağa turizmğa häm êksportlarına täêsir itäçäk yaña sankśiyälärne ğamälgä kertä.
Al-Quds Al-Arabi: Aljir İlbaşı Abdel-Majid Tebboune: "Başqalası Qudüs bulğan Fälästin däwläten tözü xoquqı satulaşu mäs’äläse tügel”, - dip äytte.
Al Jazeera: Xalıqara möhacir küzätü üzäge: "Süriyädä iñ zur artış belän dönya külämendä 15 millionnan kübräk üz cirennän kitkän keşe bar ", dip belderde.
Al-Dustour (Yordaniya): Soğud Ğäräbstanı ömrägä aldıbızdağı aydan başlap röxsät biräçäk.
Le Monde (Franśiya): Kovid-19: Franśiya sälamätlek saqlaw ministrı Olivier Veran şimbä könennän başlap Marsilya şähärendä häm Guadeloupe utrawında böten barlarnıñ häm restorannarnıñ yabılaçağın belderde.
Le Figaro (Franśiya): Parij Greśiyadağı Moria lagerınnan 500 qaçaq balanı ilenä qabul itäçäk.
Le Soir (Bel’giya): Koronavirus: Bel’giyada ber köndä yaqınça 1 meñ 425 yaña oçraq terkälä.
“İzvestiya” gazetı: Belarus İlbaşı Aleksandr Lukaşenkonıñ yäşeren ant itü tantanasına qarşı çıqqan distälägän protestçı Minskta qulğa alındı.
“RİA Novosti” agentlığı: Rusiyä çit ildän kilgän rusiyälelär öçen qağidälärgä üzgäreşlär kertte. Qaytqaç öç kön êçendä Kovid-19 testı yasattırılaçaq, näticälär bilgele bulğançığa çaqlı öydä karantinda torılaçaq.
Neftegaz.ru: Törkiyä gaz bäyälären töşerü öçen Rusiyä belän satulaşa.
Tatarstannıñ “Tatar-inform” agentlığı kürenekle şağıyr’ Äxmät Räşitovnıñ wafat buluın xäbär itä. Äxmät Räşitov tuğan yağında – Bua rayonınıñ Yaña Çäçkap awılında cirlänäçäk.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü