Дөнья мaтбугaтынa күзәтү / Dön’ya matbuğatına küzätü 17.09.2020

Aljazeera: Törkiyä häm Rusiyä Liviyada tormışqa aşırılaçaq utnı tuqtatu kileşüenä yaqınaydı. Liviya Milli kileşü xökümäte Baş ministrı Fayiz äl-Särrac isä xakimiyätne kiläse ayda yaña yaña xökümätkä tapşırırğa äzer buluın belderde.

Al Şarq (Qatar): İngliz keşe xoquqları oyışmaları İzrail belän mönäsäbätlärne cayğa salu kileşüenä qul quyğan Berläşkän Ğaräp Ämirleklärenä häm Baxreynğa qarşı boykot iğ’lan itärgä çaqırdı.

Addustour (Yordaniya): Yähüd bistälärendä yäşäwçelärmeñ äl-Aqsa mäçete belän bäyle bozu oçraqları däwam itä, yaw köçläre dä Qudüs-Yerusalimdä Fälästinle 6 ğailäne öylären cimerergä mäcbür itä.

Le Figaro: Bay illär qamilläştereläçäk Kovid-19 vakśina dozalarınıñ yartısın üzläre öçen ayırıp quydı.

Le Monde: Franśiya xökümäte il iq’tisadınıñ bıyıl 10%qa azayaçağın küzallıy.

Libération: Kovid-19: Franśiya mäğarif ministrı Jean-Michel Blanquer, 81 mäktäpneñ Kovid-19 arqasında yabıluın xäbär itte.

El Mundo (İspanya): Kovid-19 yoqtıru oçraqlarınıñ artuı arqasında İspaniya başqalası Madrid “Ifema” xastaxanäsen yañadan açırğa äzerlänä.

El Universal (Meksika): Amerika Quşma Ştatları İlbaşı Donal’d Tramp Meksikanı, narkotiklarnı êşläp çığaruçı illär isemlegenä kertte.

El Tiempo (Kolumbiya): Kolumbiya sälamätlek saqlaw ministrlığı ikençe Kovid-19 dulqınınıñ berençe xätle ülemçel bulmayaçağı qaraşında.

Deutsche Welle: İlbaşı Räcäp Tayyip Ärdoğan häm Germaniya Kanślerı Angela Merkel video konferenśiya aşa Könçığış Urta diñgezne söyläşte.

Tagesschau: Germaniyada rasaçıl yazmalar belän urtaqlaşqan 29 poliśiya xezmätkäre xaqında tikşerü êşe açıldı.

Handelsblatt: Greśiyadan 10 milliard yevrolıq qorallanu belderüe.

“TASS” agentlığı: “Forbes” jurnalınıñ isemlegendä “Lukoil” neft’ şirkäte Rusiyäneñ iñ zur şirkäte bularaq üz urının saqlap qaldı.

RİA Novosti: Pol’şa 2010nçı yılda Rusiyäneñ Smolensk şähärendä barlıqqa kilgän (ul çaqtağı Däwlät başlığı Lex Kaçinski hälaq bulğan) oçqıç qazası waqıtında wazıyfa başqarğan manara operatorlarınıñ qulğa alınuın teläde.

RBK: Awrupa Berlege urıs oppoziśionerı Aleksey Navalnıynıñ däğwasına bäyle böten gäyeplänüçelärneñ milegen waqıtlıça konfiskaśiyäläwen teläde.

Tatarstannıñ “Tatar-inform” agentlığı Zölfät Xäkimneñ sovet-fin suğışı çorına bağışlanğan “Telsez küke” äsärenä nigezlänep fil’mneñ töşerelergä isäplänelüen xäbär itä. Bu xaqta Tatarstan mädäniyät ministrı İrada Äyüpova beldergän.