Dön'ya matbuğatına küzätü 26.08.2020

Germaniyäneñ “Deutsche Welle” gazetı yazğança, Greśiyä Törkiyä belän söyläşülärgä äzer buluın citkerde.

Şul uq ilneñ “Badische Neue Nachrichten” mäğ’lümat çarası Formula 1neñ 9 yıldan soñ qabat İstanbulda uzuın yaza.

“Redaktionsnetzwerk Deutschland” citkergänçä, BMO koronavirus kizüe säbäple dön’yada turizm tarmağındağı 120 million keşegä êşsez qalu qurqınıçı yanawın belderde.

İspaniyäneñ “El Mundo” gazetı yazğança, koronavirus kizüe İspaniyädäge zur şähärlärdä yuğarı arenda bäyäläreneñ töşüenä säbäpçe buldı.

Şul uq ilneñ “El Pais” basması İspaniyä däwlät başlığı Pedro Sançesnıñ ministrlarına kiläçäk aylarnıñ bik awır kiçäçägen häm älege çorda berdämlek kiräklegen söyläwen yaza.

Venesuêlanın “El Nacional” gazetı citkergänçä, Braziliyada Kovid-19dan terelgän, ämma qabat älege çirne êläktergän 6 awırunı tikşerälär.

Yordaniyäneñ “Addustour” basması yazğança, Fälästin keşe xoquqları üzäge, Ğazzädä karantinğa alınğan 4 yaña Kovid-19 oçrağınnan soñ, kizüneñ däwam itüeneñ älege cirlektä hälakätkä tiñ bula aluı turında kisätte.  

“Al Jazeera” basıp aluçı köçlärneñ Ğazzäne bombalawnı häm Könbatış Yordan üzänlegendä fälästinlelärne qulğa alunı däwam itüen söyli.

Katarnıñ “Al-Raya” mäğ’lümat çarası citkergänçä, Soğud Ğaräbstanınıñ täxet prinśı Möxämmät bin Sälman, cıyılış waqıtı cämäğat’çelekkä bilgele bulğannan soñ, monıñ qurqınıç xällärgä kiteräçägennän qurqıp, AQŞ başqalası Vaşingtonda İzrail xökümäte räise Bin’yamin Netan’yaxu belän bulaçaq oçraşudan baş tarttı.

 Franśiyäneñ “Le Figaro” gazetı yazğança, Marsel’ şähärendä koronavirusnıñ qabat taraluı bitlek kiyü mäcbüriyätenä kiterde. Aşaw-êçü urınnarı cirle waqıt belän kiçke säğat’ 11dä yabıla.

 France 24 xäbär itkänçä, Franśiyä häm AQŞ rus oppoziśiyä liderı häm aktivist Aleksey Naval’nıynıñ ağulanuı belän bäyle tikşerü başlanuın taläp itä.

“İzvestiya” gazetı yazğança, Rusiyä tışqı êşlär ministrlığı oppoziśioner Naval’nıy mäs’äläsendäge ğayepläwlärne mısqıllaw bularaq bäyäläde.

TASS agentlığı citkergänçä, Ukraina däwlät başlığı Vladimir Zelenskiy Qırımnı kire alu niyätendä buluların söyläde.

“Tatar-inform” mäğ’lümat agentlığı Tatarstannıñ Aktanış şähärendä berençe ilbaşı Mintimer Şäymiyevqa häykäl açıluın xäbär itä.