Dön’ya matbuğatına küzätü 25.08.2020
Qayber çit il basmalarına atnalıq küzätü
Al Quds Al Arabi (Soğud Ğäräbstanı): İlbaşı Räcäp Tayyip Ärdoğan Törkiyäneñ Qara diñgezdän soñ Urta diñgezdä dä tabiğıy gaz tabaçağın küzallıy.
Al Jazeera (Qatar TV): Liviyada utnı tuqtatu kileşüe iğ’lan itelgännän soñ Halifä Haftergä bäyle qorallı köçlär Liviyanıñ Sirtä şähäre belän êlemtäne özep, internetqa ireşüne dä totqarlap şähärne izolyaśiyäli.
Al Rayä Al Qatariyyä (Qatar): Qatar hawa köçläre belän Amerika Quşma Ştatları hawa köçlärenä bäyle oçqıçlar bu ike dus ilne ber-bersenä bäyläwçe mönäsäbätlärneñ bilgese bularaq urtaq oçış başqardı.
Prensa Latina, Kuba: Törkiyä Könçığış Urta diñgezdäge köymälären kire çigenderergä uylamıy.
La Vanguardia, İspaniya: “Kovid-19”nı qabat yoqtırğan berençe xasta virusnı İspaniyada êläktergän.
El País, İspaniya: Kataloniya (İspaniyanıñ ber töbäge) 10nan kübräk keşeneñ cıyıluın tıya, Mursia şähärendä bu san 6 belän çiklänä, İspaniya başqalası Madrid isä hiçber räweşle cıyılmawı zarurlığın belderä.
France 24: “Kovid-19”: Germaniya Franśiyanıñ Île-de-France häm Côte d'Azur töbäklärenä säyäxät itüne kiñäş itmi.
Le Figaro: Aljir 1nçe noyabr’dä konstituśion üzgäreşlär belän bäyle bularaq referendum ütkäreläçägen belderde.
Le Monde: Amerika Quşma Ştatlarında Cömhüriyätçelär xäzerge İlbaşı Donal’d Trampnıñ İlbaşı saylawında namzätlegen räsmi räweştä açıqladı.
Deutsche Welle: Koronavirus oçraqları ber köndä ike meñgä artqan Germaniyada bitlek qullanıluınıñ kiñäytelüe kön tärtibendä.
Handelsblatt: Germaniya tışqı êşlär ministrı Heiko Maas bügen Greśiya başqalası Afinadağı oçraşularınnan soñ başqala Änkarağa kiläçäk.
Tagesschau Online: Germaniya başqalası Berlinda däwalanuğa alınğan oppoziśiyäçel urıs säyäsätçese Navalnıynıñ ağulanu şöbxäse raslandı.
“RİA Novosti” agentlığı: Rusiyä iminlek şurası särkätibe urınbasarı Oleg Xramov dönya külämendä böten kiber höcümnärneñ 75%ınıñ Amerika Quşma Ştatlarınnan oyıştırıluın belderde.
“İzvestiya” gazetı: AQŞ däwlät särkätibe urınbasarı Stefen Biegun Belarus’ oppoziśiya liderı häm ilbaşı namzäte Svetlana Tixanovskaya belän Belarus’ta demokratiyanıñ köçäytelüe mäs’äläsen söyläşte.
“Kommersant” gazetı: Kipr grek citäkçelege qayber kategoriyälärdäge Rusiyä watandaşlarına çik buyın açaçaq.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü