Dön’ya matbuğatına küzätü 14.08.2020

Deutsche Welle media oyışması beldergänçä Könçığış Urta diñgezdä Greŝiya belän Törkiyä arasında üskän kiyerenkelek belän bäyle bularaq diplomatiya xäräkäte küzätelä.

Alman telendäge “Süddeutsche Zeitung” basması yazğança İtaliyada prem’yer-ministr Djuzeppe Konte häm xökümätendäge qayber ministrlarğa qarşı alıp barılğan Kovid-19 säyäsäte arqasında 200dän artıq ğayepläw bar.

Çilineñ “La Tercera” gazetı citkergänçä Venesuêla başqalası vilayät’ başlığı Dario Vivas koronavirustan yaqtı dön’yadan kitte.  

Argentinanıñ İnfobae xäbär säxifäse beldergänçä Meksika däwlät başlığı Kovid-19 vakŝinasınıñ bar dön’yada tüläwsez bulaçağın äytte.

“Le Figaro” basması xäbärenä kürä Berläşkän Patşalıq Franŝiyadän kiläçäk yulçılarnı Kovid-19 çaraları qısalarında karantinda totaçaq.

Franŝiyaneñ “Le Parisyen” gazetı yazğança ilneñ Lion şähärendäge mäçetlärdä yanğınnarnıñ çığuı ildäge möselman cämğıyäten qurquğa saldı.

Şul uq ildä basıluçı “Le Monde” basması citkergänçä Franŝiyada koronavirus oçraqları arta, êş urınnarında bitlek kiyüneñ mäcbüri bulaçağı bäxäsläşelä.

Qatarda çığuçı “Al Sharq” gazetı xäbärenä kürä Fälästin citäçelege İzrail – Berläşkän Ğaräp Ämirlekläre kileşüen Qudüs-Yerusalimğa xıyanät buluın belderde.

“Al jazeera” televideniyese Fälästin citäkçelegeneñ Abu-Dabidäge ilçesen kire çaqıruın häm Berläşkän Ğaräp Ämirlekläre ğamälen Qudüs, Äl-Aqsa mäçete häm Fälästin däğwasına xıyanät itep taswirlawın citkerä.

Rus telendäge “İzvestiya” basması beldergänçä AQŞ ilbaşı Trampnıñ êlekke advokatı Maykl Koxen kitabınıñ berençe bitendä AQŞ liderınıñ 2016dağı ilbaşı saylawın Rusiyä yärdämendä ciñüen yazdı.

“Tatar-inform” mäğlümat agentlığı yazğança Tatarstanda 2024 yılğa qadär “Xäläl” produkŝiya êksportlawnı arttıraçaqlar.