Dön’ya matbuğatına küzätü 12.08.2020 / Дөнья мaтбугaтынa күзәтү

Bild.de: (“Kovid-19ğa qarşı) Rusiyä vakśinasın alırğa teläwçe illär bar.

Spiegel.de: Şveśiya (kizü çorında) iq’tisadın xalıqtan tağın da yaxşıraq saqladı.

Le Monde: Franśiya Baş ministrı Jan Kasteks gubernatorlardan cämäğät’ urınnarında (Kovid-19 belän köräş öçen) bitlek qullanuınıñ cäyelderelüen sorayaçaq.

France 24: Kovid-19: Franśiya Baş ministrı Jan Kasteks “Kovid-19” belän köräştä “wazğiyät yalğış yünäleştän bara” kisätüen yasadı.

Le Soir: Bel’giya başqalası Bryussel’dä “Kovid-19” belän köräş öçen bitlek kiyü mäcbüri bulaçaqmı yuqmı ikänlege berniçä könnän soñ bilgele bulaçaq.

El País (İspaniya): Yäş’lär arasında virusnıñ yörtelüe - İspaniya başqalası Madridta koronavirusnı kontrol’ itüne awırlaştıra.

Telesur (Venesuêla): Kuba Rusiyäneñ “Kovid-19”ğa qarşı tapqan vakśinanı êşläp çığara ala.

Infobae (Argentina): Awrupa Berlege Venesuêlada “irekle häm ğadel” saylaw öçen kiräkle bernindi şartnıñ bulmawın belderde.

Al Jazeera: Beyrutta 4nçe avgusttağı şartlawdan ber atnadan soñ rizasızlıq cıyınnarı däwam itä. İlbaşı idaräse şartlawğa qağılışlı tikşerü êşen Xökem çığaru şurasına tapşırdı.

Addustour (Yordaniya): İzrail Baş ministrı Benjamin Netanyahu, Amerika Quşma Ştatların berençe tapqır tänqitläp, "anneksiya planı"n ütämäwdän cawaplı tottı.

Al-Raya (Qatar): AQŞ wäkile: “Soğud Ğäräbstanı xökümäte dönya külämendä demokratiyağa qarşı yanaw häm AQŞnıñ berlektäşe bularaq kürenmi”, - dip äytte. AQŞ Wäkillär palatasınıñ “Demokrat” äğ’zase Ro Xanna isä jurnalist Cämal Qaşıqçını xökemgä tartılu qurquı bulmıyça üterüen” äytkän Soğud Ğäräbstanı täxet warisı prinś Möxämmäd bin Salmanğa reakśiya kürsätte.

İnterfax (Rusiyä): AQŞ İlbaşı Donal’d Tramp Rusiyä belän atom-töş kileşüenä qul quyuınıñ iñ möhim global’ problema bularaq bäyäläde.

rbk.ru: Rusiyä iq’tisadı “Kovid-19” kizüe yuğarı noqtağa citkän çorda  8,5% külämendä keçeräyde. Bu küläm soñğı 10 yılnıñ iñ qatı azayu buldı.

“İzvestiya” gazetı: Belarus’ta 12nçe avgusttan soñ salyut satıluı tıyıldı.

Tatarstannıñ “Tatar-inform” agentlığı bıyıl möselman yäş’läreneñ forumı yaña formatta bula, dip xäbär itä. Biregä 15-22nçe avgust könnärendä 18dän alıp 30 yäş’kä qadärge yegetlär häm qızlar cıyıla.