Dön'ya matbuğatına küzätü 05.08.2020

Alman telendäge ard.de säxifäse citkergänçä, Germaniyä Törkiyägä säyäxät çikläwlären 4 töbäk öçen beterde.

Şul uq ilneñ zdf.de mäğ’lümat säxifäse yazğança, Germaniyäneñ Tön’yaq Reyn- Vestfaliya töbägendä mäktäplärdä bitlek tagu mäcbüriyäte ğamälgä keräçäk.

“Deutsche Welle” Germaniyä tabiblar berlege räiseneñ ildä ikençe dulqın başlanuın citkerüe turında yaza.

Ğaräp basmalarınnan “Al Quds Al Arabi” “İzrail Beyruttağı şartlaw belän bernindi bäyläneşe bulmawın belderä” dip xäbär itä.

“Al Raye Al Qatariyye” yazğança, Beyrut – hälakät cirlege dip iğ’lan itelde.

İspaniyäneñ “El País” basması ilneñ xökümät räise Pedro Sançesnıñ, êlekkege patşa Karlosnıñ korrupśiyädä ğayeplänüennän soñ, Konstituśion monarxiyäne yaqlap “Monda oyışmalar tügel, keşelär xökem itelä” diyüen citkerä.   

Venesuêlanıñ “TeleSur” kanalı söylägänçä, Livan ilbaşı Mişel Avn Beyruttağı şartlaw qorbannarı öçen milli matäm iğ’lan itte.  

Bel’giyäneñ “Le Soir” gazetı Beyruttağı şartlawda Bel’giyä ilçelegeneñ dä zarar kürüen häm ilneñ tışqı êşlär ministrı Filipp Koffinnıñ Livanğa yärdäm täq’dim itüen belderä.

Franśiyäneñ “Le Parisien” gazetı yazğança, Tuluzda uramda bitlek kiyü mäcbüri buldı, tizdän Parijda da bu kerteläçäk.

“France 24” kanalı Marsel’dä çıqqan yanğında 800 gektar mäydannıñ zarar kürüen, 1200 keşeneñ êvakuaśiyälänüen citkerä.

Rusiyäneñ TASS mäğ’lümat agentlığı xäbär itkänçä, Törkiyä ilbaşı Räcäp Tayyip Ärdoğan Livan däwlät başlığı Mişel Avnğa şaltıratıp Beyruttağı şartlawda ülüçelärneñ qayğısın urtaqlaştı häm gumanitar, bigräk tä, mediśina yärdämen täêmin itärgä äzer buluların citkerde.   

“İzvestiya” gazetı yazğança, Rusiyä çit il keşeläreneñ qısqa waqıtlı êş säfärläre öçen ilgä vizasız kerüe belän bäyle çikläwlärne beterde.

 “Tatar-inform” mäğ’lümat agentlığı xäbär itkänçä, Tatarstanda namaz waqıtları üzgäräçäk.