Dön’ya matbuğatına küzätü 24.07.2020

“Al Quds Al Arabi” basması beldergänçä ber İran yulçı oçqıçı Süriyä kük yözendä Amerikağa bäyle xärbi oçqıçlar tarafınnan tınıçsız itelgännän soñ Livannıñ Beyrut şähärenä töşep utırdı.

“Al Jazeera” televideniyese citkergänçä AQŞ däwlät särqätibe Mayk Pompeo AQŞnıñ X’yustondağı Qıtay konsullığınıñ şımçılıq üzäge buluın belderde.  

Qatarnıñ “Al Raye Al Qatariyye” gazetı yazğança Qatar Ämire Kön’yaq Sudan däwlät başlığına ike yaqlı mönäsäbätlärne üsterü yullamasın yasadı.  

Alman telendäge Westfalen-Blatt.de internet säxifäse xäbärenä kürä Awrupa illäre Balkan aşa kilüçe qaçaq ağımın azaytır öçen yaña mäydan barlıqqa kiterde.

Deutsche Welle media oyışması beldergänçä alman xökümäteneñ turizm cawaplısı Tomas Barays Törkiyägä säyäsät kisätüeneñ beterelä alınaçağı belän bäyle ömet birüçe açıqlaw yasadı.

İspaniyaneñ “El País” basması yazğança İspaniya xökümäte 5 yıl êçendä il iqtisadın didjital’läşterü öçen140 milliard yevro äzerläp quyaçaq.

Argentinanıñ “Infobae” xäbär säxifäse citkergänçä Boliviya saylaw mäxkämäse ilbaşı saylawın qabat kiçekterep, 18 oktäbr’da ütkärelüenä qarar birde.

Şul uq ildä çığuçı “Perfil” gazetı yazğançaArgentinada xalıq ışanıçlısı häm senatorlar xezmät xaqınıñ tuñdırıluı tağın 180 köngä ozınaytıldı.  

“Le Monde” basması xäbärenä kürä Qıtay citäkçelege AQŞnıñ Şengdu şähärendäge ilçlegeneñ yabıluına ämer birde. 

“Le Soir” gazetı Bel’giyada citäle grip vakŝinasınıñ bulmawı tabiblarnı borçuğa saluın yaza.

Rus telendäge “Kommersant” basması beldergänçä Çäçänstan däwlät başlığı Ramazan Qadıyrov AQŞ däwlät särqätibe Mayk Pompeoğa qarata çikläw kertte.  

Tatarstannıñ “Tatar-inform” mäğlümat agentlığı citkergänçä İstanbulda İzge Sofiya mäçetenä 3 imam häm 5 möäzin bilgelädelär.