Dön’ya matbuğatına küzätü 17.07.2020

Elraya (Qatar): Qatar – Amerika Quşma Ştatları mönäsäbätläre tağın da köçäyä.

Eldustur (Yordaniya): Dön’ya bankı tikşerenüe: Yaña tör koronavirus (Kovid-19) citeşterüçänlekneñ artuına kirtä bulıp tora häm fäqirlekne totqarlaw tırışularına yanıy.

Newsabah (Ğıyraq): Bıyılğı xac säfärläreneñ ğamäldän çığarıluı Soğud Ğäräbstanınıñ iqtisadi awırlıqların arttıra.

Welt.de: Germaniyadan AQŞqa: “Ênergetika säyäsätebezne üzebez bilgelärbez”

t-online.de: Germaniyada “Kovid-19”ğa qarşı cirle tıyular kilä.

Deutsche Welle: İqtisadi üseş häm xezmättäşlek oyışması (OECD) belän BMO azıq-tölek häm igençelek oyışmasınıñ urtaq xisabı: Kovid-19 azıq-tölek bäyälären töşeräçäk.

Ajans EFE, İspaniya: Virusnıñ tiz cäyelüe aldında Barselona sośial’ çaraların çikläyäçäk. 

Marca, İspaniya: “Real Madrid” bu waqıtqa çaqlı iñ awır häm iñ ozın La Liga çempionatın (İspaniya berençe futbol ligasın) qazandı.

Telesur, Venesuêla: Kuba İlbaşı Miguel Diaz-Canel “Kovid-19”dan soñ iq’tisadnı köçäytü öçen strategiyaların açıqladı.

Le Monde (Franśiya): Kovid-19: Kizüneñ qabat artıp cäyelä başlawına qarşı Franśiyada aldıbızdağı atnadan başlap cämäğätçelekkä açıq öste yabıq urınnarda bitlek kiyü mäcbüri bulaçaq.

France 24 (Franśiya): Kizüdä ikençe dulqın yanawı: Awrupa “Kovid-19” çaraların arttıra.

Rusiyäneñ “TASS” xäbär agentlığı: Rusiyä Tışqı êşlär ministrlığı süzçese Mariya Zaharova AQŞnıñ Süriyädäge terrorçılarnıñ êşçänlegen täşviq itüen äytte.

İnterfax: Mäskäw AQŞnı Süriyädäge wazğiyätne totrıqsızlaştırunı tuqtatırğa çaqırdı.

Tatarstannıñ “Tatar-inform” agentlığı Tatarstanda uzğan täwlektä koronavirus awıruınıñ 31 yaña oçrağınıñ raslanuın xäbär itä. Agentlıq Tatarstan İlbaşı idaräseneñ matbuğat xezmäte citäkçese Liliyä Galimovanıñ Tatarstanda koronavirusqa bäyle wazğiyätneñ totrıqlı buluın, ämma iminlek çaraları turında onıtırğa yaramawı turında äytüen dä citkerä.