Dön’ya matbuğatına küzätü 13.07.2020

“Al Jazeera” kanalı beldergänçä Liviyadäge Milli xökümät armiyase Sirte suğışına äzerlänä häm könbatış töbägen garantiya astına alu öçen köç barlıqqa kiterä.

Şul uq kanal xäbärenä kürä Oman Soltanlığı möftiye Şeyx Äxmät bin Xamad Al-Xalili Ayasofiyane mäçetkä äyländergäne öçen Törkiyäne täbrik itä.

“Al Quds Al Arabi” basması citkergänçä İzrail häm Amerika Quşma Ştatları İranda qayber şäxeslärgä höcüm oyıştırunı häm atom-töş stanŝiyalärne bombalarğa planlıy.

Alman telendäge Bild.de internet säxifäse AQŞ xärbi köymäsendä yanğınnıñ çığuın yaza. Xäbärdän kürengänçä AQŞ flotına bäyle ber xärbi köymädä çıqqan yanğında 20dän artıq ğaskäri yaralandı.

“Deutsche Welle” media oyışması beldergänçä Germaniyada koronavirus krizisında ğailälärdä qırıslıq häm köç qullanu arttı.

Spiegel.de säxifäse yazğança Meksikada Kovid-19 kizüennän ülüçelär sanı 35 meñnän artıq.

Meksikanıñ “El Universal” gazetı xäbärenä kürä Meksika 35 meñ ülüçe belän İtaliyane dä uzdı.

İspaniyada basıluçı “El País” gazetı Barselona töbägendä koronavirus oçraqlarınıñ 12 köndä 4 tapqırğa artuın citkerä.

Franŝiyaneñ “Le Figaro” basması citkergänçä dön’yada yaqınça 10 million bala pandemiyaneñ iqtisadi näticäläre arqasında mäktäpkä bara almaw riskı astında.

Şul uq ildä dön’ya kürüçe “Le Monde” gazetı Guyanadağı xastaxanä krizisınıñ Franŝiyadağına oxşawın läkin 10 tapqırğa naçar buluın yaza.  

RİA Novosti xäbär agentlığı beldergänçä Vengriya ruslarğa çiklären açqan berençe Awrupa Berlege ile bulaçaq.

“İzvestiya” basması xäbärenä kürä Germaniya vodorod ênergiyase ölkäsendä Rusiyä belän xezmättäşlek başqarunı ömet itä.

Tatarstannıñ “Tatar-inform” mäğlümat agentlığı yazğança Tatarstanda  34 graduslı êsselek kötelä.