Dönya matbuğatına küzätü 16.06.2020

“Spiegel.de” beldergӓnçӓ, Germaniya turizm tarmağı belgeçlӓre Törkiyӓ dӓ kergӓn qayber illӓrgӓ sӓyӓxӓt tıyularınıň millionnarça yevro yuğaltuğa sӓbӓp buluın belderep,tıyularnıň  beterelüen sorağan.

“Süddeutsche Zeitung” Germaniya xökümӓteneň koronavirusqa qarşı vakśina êşlӓp çığarğan “CureVac” farmaśevtika şirkӓte akśionerı buluın belderӓ.  

“Deutsche Welle” xӓbӓr itkӓnçӓ, İzrailneň Yordannıň könbatış üzӓnlegendӓge Fӓlӓstin cirlӓren annekśiyӓlӓw plannarına Xamas kisken rӓweştӓ reakśiya belderde.

“Al Quds Al Arabi” Kanadada dӓwlӓt xezmӓtkӓrlӓrenӓ qağılışlı yawlıq bӓylӓw tıyuına rizasızlıq beldergӓn protest çarası uzdı dip belderӓ.

“Al-Raya” yazğança, Liviya milli kileşü xökmӓte ilne qulğa töşerergӓ tırışqan tüntӓreleşçe Xafter basıp alğan töbӓklӓrdӓge kümӓk qaberlӓrne tikşerü mӓs’ӓlӓsendӓ xalıqara yӓrdӓmgӓ çaqırdı.  

“Le Monde” Franśiyӓdӓ mediśina xezmӓtkӓrlӓreneň xökümӓtkӓ basım yasawı turında yaza. Alar xezmӓt xaqların kütӓrüne talӓp itӓ.  

“Le Figaro” Franśiya ilbaşı Êmmanuêl Makron ilendӓ vakśina êşlӓp çığaruğa yaqlaw kürsӓtü maqsatı belӓn bügen Liondağı Sanofi farmaśevtika şirkӓte ob’yektlarında bulaçaq dip yaza.    

“Le Temps” yazğança, Jenevada koronavirusnı xalıqnıň 11%ı yoqtırğan.  

“Lenta.ru” beldergӓnçӓ, Rusiyӓneň 13 şӓhӓrendӓ Ciňü köne çaraları êpidemiya arqasında ğamӓldӓn çığarıldı.  

“İzvestiya” gazetı Rusiya Federaśiyӓse sӓlamӓtlek saqlaw ministrlığı hӓm milli êpidemiplogiya , mikrobiologiya tikşerenülӓre institutınıň aldağı könnӓrdӓ koronavirus vakśinasın keşelӓrdӓ sınap qarawğa kereşӓçӓgen xӓbӓr itӓ.

“Infobae” beldergӓnçӓ, İzrail ğalimnӓre antiparazitik preparatnıň Kovid-19ğa ömet bulaçağı turında uylıy.

“El Mercurio” Kovid-19 yoqtıruçılarnıň 45%ında simptomnar bulmasqa mömkin ,bu isӓ çirne kontrol’ astına aluda qıyınlıqlar tudıra dip yaza.  

 “Tatar - inform” beldergӓnçӓ, Tatarstan awıllarında Saban tuyın 4 nçe iyül’dӓ bӓyrӓm itӓrgӓ telilӓr. Bӓyrӓmneň tögӓl datasın xalıq fikeren hӓm êpidemiologik wazğiyӓt’ne isӓpkӓ alıp bilgelӓyӓçӓklӓr.