Dön’ya matbuğatına küzätü 03.06.2020

“Deutsche Welle” media oyışması beldergänçä Berläşkän Millätlär Oyışmasına kürä Liviyadä suğışuçı taraflar qabat söyläşülär başlatırğa teli.

Alman telendäge dpa.de internet säxifäse xäbärenä kürä Germaniya Yämängä yaqınça 200 million yevrolık yärdäm kürsätäçäk.

Bild.de yazğança AQŞnıñ Germaniyadäge ilçese Riçard Grenel üz teläge belän wazıyfadan kitte.

Franŝiyaneñ “Le Figaro” gazetı franŝuz poliŝiya räsmi zatlarınıñ qırıslıq häm rasaçılıq ğayepläwlären kire qağuın yaza.

Şul uq ilneñ “Le Parisien” basması beldergänçä Kovid-19 arqasında yaman şeştän däwalana almağan 5 – 10 meñ keşeneñ ülä alaçağınnan borçu toyıla.

İspaniyaneñ “El País” gazetı Trampnıñ köç kürsätüenä häm uramğa çığu tıyularına qaramastan rasaçılıqqa qarşı protestlarnıñ artuın yaza.  

Şul uq ildä basıluçı “ABC” gazetı citkergänçä Maduro häm Guaydo Venesuêlada Kovid-19ğa qarşı kileşü imzaladı.

“El Mundo” basması İspaniyada 133 meñ şirkätneñ yuqqa çığuın häm ber million waqıtlıça kileşüneñ azağına yaqınlaşuın xäbär itä.

Aljazeera.net beldergänçä Kovid-19 çikläwläreneñ beterelüe belän İstanbul qabat canlandı.

“Alsharq” gazetı yazğança İzrail belän Soğud Ğaräbstanı arasında Qudüs-Yerusalim belän bäyle yäşeren söyläşülärneñ uzuı öyränelde.

Lenta.ru xäbärenä kürä Ukraina tışqı êşlär ministrlığı Trampnıñ Rusiyäne G7 oçraşuına çaqıruına reakŝiya belderde.

TASS xäbär agentlığı Törkiyäneñ turistlarnı qabat qabul itärgä äzerlänüen citkerä.

Xäbärdän kürengänçä Rusiyä ilçese Aleksey Yerxov ruslarnıñ Törkiyägä qayçan kiläçägen Rusiyä häm Törkiyädä koronavirus belän bäyle wazğıyät’neñ bilgeläyäçägen äytte.