Dön’ya matbuğatına küzätü 22.05.2020

“Al Quds Al Arabi” basması xäbärenä kürä Dubay Säwdä Palatası beldergänçä Berläşkän Ğaräp Ämirlekläre şirkätläreneñ 70%ınıñ 6 ay êçendä yabıluı kötelä.

“Al Jazeera” gazetı yazğança Cemal Kaşıkçınıñ ulları ätilären üterüçene ğafu itte.

faz.de xäbär säxifäse citkergänçä Törkiyäneñ turizm ministrı Mäxmät Nuri Ersoy bolay dip belderde: “Törkiyä yal öçen saylanuçı illärdän berse bulaçaq.”

Bild.de säxifäse xäbärenä kürä Liverpool taqımı trenerı Jürgen Klopp törek futbolçısı Uğurcan Çelikneñ 25 million yevroğa üz taqımına küçüen teli.

Focus.de xäbär säxifäse Amerika Quşma Ştatlarınıñ ingliz şirkätenä vakŝina öçen 1 milliard dollar birüen yaza.

Venesuêlanıñ “Telesur” basması beldergänçä däwlät başlığı Maduro karantinnı äkrenläp beterü planın täqdim itäçäk.

“Le Monde” gazetı Yaqın Könçığışnıñ monnan soñ säyäsi virusqa duçar qala alaçağın citkerä.

“Le Figaro” basması yazğança Franŝiyada uzuı planlanğan cirle saylawnıñ ikençe turı 28 iyun’ könne ütkäreläçäk.

“Le Temps” gazetı citkergänçä iqtisadi şokka qaramastan Qıtay koronavirusnı ciñüen qotlıy.

“İzvestiya” basması beldergänçä Rusiyäneñ Berläşkän Millätlär Oyışması daimi wäkile Vasiliy Nebenzya İminlek şurası cıyılışında Ukrainanıñ Qırımnı üz xataları arqasında yuğaltuın däğwa itte.

RİA Novosti agentlığı xäbärenä kürä AQŞ Rusiyä belän möhim qoral söyläşüläreneñ ütkäreläçägen citkerde.

Lenta.ru säxifäse yazğança Rusiyädä koronavirus kizüeneñ ikençe dulqını cäy azağında kötelä alına.