Dön’ya matbuğatına küzätü 12.05.2020

“AlRaya” basması beldergänçä Yämän xökümäte Êdem şähären viruslı bularaq iğlan itte.

“Al Jazeera” gazetı yazğança Farsı qultığı illärendäge virus oçrağı 100 meñnän arttı, Amerika Quşma Ştatlarında isä ike atna êçendä iñ tübän ülem küläme küzätelä.

“Al Jazeera” basması xäbärenä kürä Angliya İzrailneñ Yordannıñ Könbatış üzänlegeneñ qayber töbäklären yawlaw planın kire qaqtı häm monıñ tirän qaqşatuğa kiterä alaçağı mäs’äläsendä kisätte.

“Le Parisien” basması beldergänçä Franŝiya ilbaşı Makron häm prem’yer-ministr Êduard Filipnıñ arası sälamätlek krizisı arqasında bozıldı.

t-online.de xäbär säxifäse yazğança turizm sezonı açılğançı Törkiyä ilbaşı Räcäp Tayyip Ärdoğan belän Germaniya Kanŝlerı Angela Merkel’ telefonnan söyläşte.

mdr.de säxifäse citkergänçä Angela Merkel’ sälamätlek saqlaw oyışmaları häm xezmätkärlärenä koronavirus belän köräş barışındağı êşçänlekläre öçen räxmät belderde.

İspniyaneñ “El País” basması xäbärenä kürä hawa yulı şirkätläre oçqıçlardağı tulılıq külämen azaytırğa telämi.

Meksikanıñ “El Universal” gazetı Bötendön’ya Sälamätlek saqlaw oyışmasınıñ virusqa qarşı 8 vakŝina bilgeläwen yaza.

Argentinada çığuçı “Clarín” basması yazğança ildä mäktäplär açılğançı bilge quyu tuqtatıp torıla.  

RİA Novosti beldergänçä Rusiyäneñ Sankt Peterburg şähärendä Kovid-19 xastaları yatqan ber xastaxanädä yanğın çıqtı, 5 keşeneñ ğomere özelde.

TASS xäbär agentlığı yazğança Rusiyä xökümäte balalı ğailälärgä östämä tüläwlärneñ yasaluın rasladı.

Rus xäbär portalı Lenta.ru Rusiyädä soñğı täwlektä 11656 virus oçrağınıñ kürelüen yaza.