Dön’ya matbuğatına küzätü

İspaniyada dön’ya kürüçe “El Pais” basması koronavirus kizüeneñ ildä İtaliyadan tizräk cäyelüen yaza.

Şul uq ilneñ “El Mundo” gazetı beldergänçä Kuba çiklären kilüçelär öçen yaptı, çit illärdän qaytqan watandaşların karantinğa ala.

Argentinada basıluçı “Klarin” gazetı xäbärenä kürä ildäge karantin qağıydälären ütämägän ike franŝuz häm ber Niderland watandaşı qulğan alındı.

Franŝiyaneñ “Le Figaro” basması citkergänçä koronavirus Bötendön’ya sälamätlek saqlaw oyışması kizüneñ tizlänüen açıqladı.

Şul uq ildä çığuçı “Le Mond” gazetı yazğança Franŝiyada karantin ikençe atna däwam itä, ildä çaralar arttırıldı.

Franŝuz telendäge “Le Temps” basması Angliyada kim digändä 3 atna däwam itäçäk öy karantinı başlanaçağın yaza.:.

Alman telendäge “Der Spiegel” gazetı Kanŝler Angela Merkel’neñ koronavirus testınıñ tiskäre çığuın citkerä.

Deutsche Welle media oyışması beldergänçä Germaniya Soğud Ğaräbstanına qoral êksportın tuqtatu qararın tağın 9 ayğa ozınayttı.

Alman telendäge “Die Welt” basması koronavirus kizüeneñ alman iqtisadına yözlärçä milliard yevrolıq sıyan salaçağın belderä.

Rusyäneñ “İzvestiya” gazetı yazğança Rusiyäneñ Amerika Quşma Ştatları ilçese “Human Rights Watch”nı Rusiyädäge Kovid-19 kizüe belän köräş mäs’äläsendä yalğan söylämäskä çaqırdı.

Rusyädäge Regnum xäbär agentlığı citkerüençä Rusiyä banklarında toraq kreditı proŝentları arta başladı.

Gazeta.ru xäbär säxifäse 14nçe rus xärbi oçqıçınıñ İtaliyağa barıp citüen yaza.

Angliyada basıluçı bäysez ğaräp gazetı “Al Sharq Al Awsat” xäbärenä kürä Süriyä rejimı berençe koronavirus oçrağınnan soñ çaralarnı arttırdı.

“Al Quds Al Arabi” basması yazğança su betülär Süriyäneñ tön’yaq könçığışındağı koronavirusnıñ cäyelü riskın arttıra.