Dön’ya matbuğatına küzätü 23.03.2020

Qatarda dön’ya kürüçe “Al-Raya Al-Katariya” gazetı beldergänçä ildä koronavirus arqasında däwlät xezmätkärläreneñ 80%ı öydän êşläyäçäk.

Baxreynda basıluçı “Al-Ayam” gazetı yazğança Kovid-19 arqasında Soğud Ğaräbstanı kiçke 7 belän irtänge 6 sägät’läre arasında uramğa çığunı tıydı. Älege tıyu 21 kön däwam itäçäk.

Angliyada çığuçı bäysez ğaräp gazetı “Alsharq Alawsat” Amerikada ber köndä 100 keşeneñ koronavirustan ülüen citkerä. Xäbärgä kürä Kovid-19 Senatka qadär barıp citte, ber äğza virusnı yoqtırdı.

Alman telendäge ard.de säxifäse xäbärenä kürä Germaniya Kanŝlerı Angela Merkel’ koronavirus arqasında karantinda.

Germaniyaneñ Deutsche Welle media oyışması beldergänçä ildä virusqa qarşı yaña çaralar kürelde, ikedän kübräk keşeneñ oçraşuı tıyıldı.

Zdf.de internet säxifäse yazuınça karantin hawanıñ sıyfatın yaxşırttı.

İspaniyaneñ “El País” basması prem’yer-ministr Pedro Sançeznıñ virus krizisına qarşı Awrupa Berlegennän yaña Marşal planın sorawın citkerä.

Şul uq ildä basıluçı “La Vanguardia” gazetı xäbärenä kürä ildä ber köndä 394 keşe koronavirustan ülde. Ülüçelär sanı 1720gä, Kovid-19nı yoqtıruçılar sanı isä 28 meñ 572gä çıqtı.

Argentinadağı Infobae xäbär säxifäse yazğança Venesuêlada üzen ilbaşı itep iğlan itkän Xuan Guaydo däwlät başlığı Nikoals Maduronı koronavirus belän bäyle çınbarlıqlarnı yäşerüdä ğayepläde häm ilneñ fäläkätkä taba baruın citkerde.

Franŝiyada dön’ya kürüçe “Le Mond” gazetı beldergänçä ildä koronavirus xastaxanädä êşläwçe ber tabibnıñ ğomeren özde.

Şul uq ilneñ “Le Parisyen” basması citkergänçä ildä öydän çığu tıyuları arta.

“Le Figaro” gazetı Franŝiyada virustan 674 keşeneñ yaqtı dön’yadan kitüen xäbär itä. Alarnıñ 112ese soñğı täwlektä ülgän.

RİA Novosti xäbär agentlığı Rusiyädä tağın 71 virus oçrağınıñ kürelüen citkerä.

TASS agentlığı beldergänçä Rusiyağa Qıtaydan 25 million yarım bitlek kiterelde.

Tatarstannıñ “Tatar-inform” mäğlümat agentlığı xäbärenä kürä däwlät başlığı Röstäm Miñnexanov Qazan Federal’ Universitetında distanŝion uquğa küçeş äzerlegen qaradı.