Dön’ya matbuğatına küzätü

Alman telendäge Bild.de xäbär säxifäse beldergänçä Amerikan ilbaşı Donal’d Tramp koronavirus arqasında G7 oçraşuın ğamäldän çığardı. Cıyılışnıñ videokonferenŝiya aşa çınğa aşırıluı planlana.

Germaniyaneñ Doyçe Velle media oyışması xäbärenä kürä Törkiyädä Kovid-19ğa qarşı çaralar arttırıla.

Şul uq ilneñ Ard.de internet säxifäse yazğança här ike almannıñ berse koronavirustan qurqa.

Ğaräp telendäge Elcezire.net säxifäse qurqınıç virusnıñ Amerika Quşma Ştatların torğınlıqqa êtärüen citkerä. Xäbärgä kürä İtaliyada virustan ülüçelär sanı Qıtaydan kübräk.

“Elkuds elarabi” gazetı beldergänçä Soğud Ğaräbstanı koronavirus arqasında Kägbäne açmıy tora.

“Elwatan” basması xäbärenä kürä Sudan 21 koronavirus oçrağı turında belderde.

İspaniyada dön’ya kürüçe “El País” gazetı yazuınça ildä ispaniyalelärneñ yartısı krizis arqasında êşlären yuğaltudan qurqa.

Şul uq ildä çığuçı “La Vangardia” basması citkergänçä meñnärçä yaña oçraqtan soñ İspaniya izolyaŝiyane ozınaytırğa äzerlänä.

Argentinanıñ Infobae internet säxifäse ildä 31 martqa qadär mäcbüri karantinnıñ iğlan itelüen belderä.

Franŝiyada basıluçı “Le Monde” gazetı xäbärenä kürä ilbaşı Êmmanuêl’ Makron şaqtıy watandaşnıñ kisätülärgä citdi qaramawınnan şiqayät’çe. 

Şul uq ilneñ “Le Figaro        “ basması yazğança Parij kizüdän iñ küp täêsirlängän şähär buldı.

Bel’giyada çığuçı “Le Soir” gazetı beldergänçä virusologiya belgeçe Mark Van Rast kizüneñ yaqınça 10 atna däwam itäçägen äytte.

RİA Novosti xäbär agentlığı Rusiyädä koronavirus vakŝinasınıñ qullanıla başlanuın citkerä.

Rus telendäge “İzvestiya” basması citkergänçä belgeçlär dön’yanıñ tağın da qurqınıç viruslar belän oçraşa alaçağı mäs’äläsendä kisätä.

“Tatar-inform” mäğlümat agentlığı beldergänçä Tatarstan mäçetlärendä könenä berniçä tapqır dezinfekŝiya ütkärälär.