Dönya matbuğatına küzätü 10.03.2020

Katarnıñ “Al-Raya Al-Katariya” basması Katar Sudan xökümät räisenä oyıştırılğan üterü kereşüen ğayepläde dip yaza.

 “Alsharq Alawsat” gazetı yazğança, Qıtayda koronavirus yoqtıruçılar sanı kimegändä dönyada könnän kön arta bara.

Baxreynda çığuçı “Al-Ayam” gazetı İspaniyada koronavirus belän çirläwçelär sanınıñ meñnän kübräk buluın häm Madridta mäktäplärneñ yabıluın citkerä.

Germaniyanıñ ”Deutsche Welle” media oyışması beldergänçä,  Törkiyä  ilbaşı Räcäp Tayyip Ärdoğan NATOnıñ yaqlawın arttıruın soradı.İlbaşı ber könlek säfär qısasında Bryussel’dä NATO ğomum särqätibe Yens Stolteberg belän küreşte häm yärdäm soradı.   

 “Spiegel.de” xäbär itkänçä, Qıtay däwlät başlığı Si Śzin’pin koronavirus barlıqqa kilgännän soñ täwge tapqır Uxan’ğa säfär qıldı.

“Süddeutsche Zeitung” gazetı Germaniyada 2 keşe koronavirustan ülde dip yaza.

İspaniyanıñ “El País” basması beldergänçä, Brryussel’ Greśiya çik buyındağı kiyerenkelekne kimetü öçen Törkiyä ilbaşı Ärdoğan belän qabat dialog başlatırğa niyätli.

İspaniyanıñ “El Mundo” gazetı korona virusı arqasında Madridta barlıq balalar baqçaları ,mäktäplär häm universitetlarnıñ 15 köngä yabıluın belderä.

Rusiyäneñ “Ria Novosti” xäbär agentlığı citkergänçä, NATO ğomum särqätibe Yens Stoltenberg sıyınuçılar mäs’äläsendä Törkiyä – Awrupa Berlege dialoğına yaqlaw kürsätte.

Şul uq ilneñ “İzvestiya” gazetı Qazaqstan tışqı êşlär ministrınıñ Nursoltanda bu ayda ütkärü planlaştırılğan Süriyä temalı söyläşülärneñ kiçekterelä aluı turında äytüen citkerä.

”TASS” xäbär agentlığı beldergänçä, Rusiya häm Törkiyä xärbi wäkillekläre 10 nçı martta İdlib söyläşülärenä kereşä.

”France 24” beldergänçä, Franśiyada ber ministrda koronavirus tabılğan.

Franśiyanıñ “Le Monde” basması Franśiyanıñ qoral êksportında  dönyada iñ zur öçençe il buluın belderä.

Tatarstannıñ “Tatar-inform” mäğ’lümat agentlığı xäbär itkänçä, Tatarstan Rusiyäneñ iq’tisadi yaqtan iñ sälamät 10 töbäge arasına kerde.Ul bu isemlektä 8 nçe urınnı aldı.