Dön'ya matbuğatına küzätü 6.03.2020

Franśiyäneñ “Le Monde” basması “Süriyäneñ tön’yağında täêmin itelgän utnı tuqtatu ğamälgä kerde” dip yaza.

Katarnıñ “Al-Raya Al-Katariya” gazetı da ilbaşı Ärdoğan belän Rusiyä liderı Putinnıñ İdlibtä utnı tuqtatu iğ’lan itüen citkerä.

Rusiyäneñ Lenta.ru xäbär säxifäse, şulay uq, ike lidernıñ añlaşuın belderä.  

Germaniyäneñ “Deutsche Welle” basması “Mäskäwdä Ärdoğan häm Putin oçraşuınnan - utnı tuqtatu qararı” dip xäbär itä.

Franśiyäneñ France 24 kanalı “Greśiyäneñ Lesbos utrawında möhacirlär, jurnalistlar häm gumanitar yärdäm oyışmaları xezmätkärläre zur dähşätkä duçar bula” dip söyli.

Nemeś telendäge “Die Welt” basması isä bolay dip yaza: “Avstriyä xökümäte räise Sebastian Kurz Awrupa Berlege däwlätlären Törkiyä-Greśiyä çige aşa kilüçe sıyınuçılarnı qabul itmäw mäs’äläsendä kisätte”

Franśiyäneñ “Le Figaro” gazetı yazğança, LR cömhüriyätçelär partiyäseneñ ber deputatı häm parlamentta êşläwçe tağın ber keşe koronavirus yoqtırdı.

İspaniyäneñ “Êl Pais” basması “İldä Kovid-19 arqasındağı ülemnär qayber yäşerelgän oçraqlarnı kürsätte” dip citkerä.

Rusiyäneñ TASS agentlığı Mäskäwdä koronavirus yanawı säbäple citdi çikläwlär kertelüen xäbär itä.

Nemeś telendäge Zeit Online säxifäse citkergänçä, koronavirus oçraqları Germaniyädä barlıq töbäklärdä diyärlek taraldı.

İspaniyäneñ “Êl Mundo” basması “Venesuêla liderı Nikolas Maduro watandaşların 6şar bala tabarğa çaqırdı” dip yaza.

Tatar telendäge “Azatlıq” säxifäse Rusiyä konstituśiyäsenä üzgäreşlär kertüne - xalıqlarnıñ tigezlegen bozu dip yaza.