Dön’ya matbuğatına küzätü 03.03.2020

Angliyada çığuçı bäysez ğaräp gazetı “Alsharq Alawsat” beldergänçä koronavirus arqasında BMO cıyılışların azayta.

Qatarda dön’ya kürüçe “Al-Raya Al-Katariya” basması 11 ğaräp ilendä koronavirusnı yoqtıruçılar sanınıñ 165kä citüen yaza.

Omanda basıluçı “Vatan” gazetı xäbarenä kürä Oman Soltanlığı Ğaräp Ligası räislegen üz östenä aldı.

İspaniyaneñ “El País” gazetı yazğança yaña tör koronavirus gripptan tizräk yoğıp, tiz arada ülemgä kiterä, fäqat hawanıñ cılınuı belän virüs oçraqlarınıñ azayuı küzdä totıla.

Meksikada dön’ya kürüçe “El Universal” basması koronavirus yoqtırıp, testları ike tapqır tiskäre çıqqan xatın-qıznıñ AQŞnıñ Texas ştatında ber säwdä üzägendä gizüen belderä.

Boliviyada çığuçı “La Razon” basması Boliviya belän İspaniyaneñ problemalarnı artta qaldırıp, ike yaqlı mönäsäbätlärne cayğa salu barışına kerüen citkerä.

Alman telendäge “Süddeutsche Zeitung” gazetı beldergänçä bar dön’ya iqtisadında koronavirus krizisı küzätelä.

Rus telendäge “Rossiyskaya Gazeta” yazuınça AQŞ Rusiyäneñ Baltıyq illärenä yanaw tudırmawın qabul itte.

Rusiyädäge RosBiznesConsultingmedia törkeme xäbärenä kürä Çäçänstan ilbaşı Qadıyrov AQŞ prezidentı Trampnıñ güya tınıçlıq planın möselman dön’yasına qarşı cinayät’ itep taswirladı.

Lenta.ru xäbär säxifäse Yevrovideniye cır bäygesendä Rusiyä isemennän “Little Big” isemle törkemneñ qatnaşaçağın yaza.

Franŝuz telendäge “Le Figaro” basması koronavirusnı yoqtırğan keşe sanınıñ Franŝiyada 191gä, Kön’yaq Koreyada isä 5 meñgä citüen xäbär itä.

Tatarstannıñ “Tatar-inform” mäğlümat agentlığı beldergänçä UEFA oyıştıraçaq Superkubok 2023 Qazanda uzaçaq. Xäbärdän kürengänçä 2023 yılnıñ avgust ayında “Aq Bars Arena” stadionında Awrupa Ligası häm Çempionnar ligası ciñüçeläre uynayaçaq.