Dön’ya matbuğatına küzätü 25.02.2020

Alman telendäge “Süddeutsche Zeitung” basması beldergänçä Lufthansa hawa yulı şirkäte İtaliyağa oçqıç säfärlären tuqtatmadı.

Şul uq teldä basıluçı “Frankfurter Allgemeine Zeitung” gazetı Germaniya tışqı êşlär ministrı Xayko Maasnıñ rasaçılıqqa qarşı global’ köräşkä çaqıruın yaza.

Deutsche Welle media oyışması citkergänçä koronavirus bar dön’yağa cäyelüne däwam itterä.

Angliyada basıluçı bäysez ğaräp gazetı “Alsharq Alawsat” xäbärenä kürä Baxreynda ber koronavirus oçrağı, Kuveytta isä ike oçraq kürelde.

Qatarda dön’ya kürüçe “Al-Raya Al-Katariya” basması koronavirus arqasında Kuveyt citäkçelegeneñ milli kön qotlawların ğamäldän çığaruın citkerä.

Berläşkän Ğaräp Amirlekläreneñ “BEYAN” gazetı yazğança İrannan Omanğa kilgän ike keşedä koronavirus tabıldı.

İspaniyada çığuçı “El Pais” basması beldergänçä İspaniya citäkçelege qurqınıç viruska qarşı xastaxanälärgä dä kötelmägän xäl plannarın qatğıylaştıra.

Argentinada basıluçı “El Klarin” gazetı xäbärenä kürä Urugvayda yana däwlät başlığı bulıp saylanğan Lui Lakal Po meñnärçä qaçaqnı qabul itü öçen çik buyı qapqaların açarğa teläwen äytte.

Argentinanıñ İnfobae xäbär säxifäse citkergänçä Awrupa Berlegeneñ Venesuêla maxsus kiñäşçese Ênrike İglesias irekle häm ğadel ilbaşı saylawı öçen mart ayı başında Karakaska baraçaq.

Rus telendäge “İzvestiya” gazetı Ukraina citäkçelegeneñ Sovetlar Berlege waqıtında basılğan kitaplarnı kitapxanälärdä beterergä teläwen yaza.

Franŝiyaneñ “Le Figaro” basması beldergänçä bar dön’ya ixtimallı kizügä qarşı äzer bulırğa tiyeş.

Tatarstannıñ “Tatar-inform” mäğlümat agentlığı yazğança Törkiyäneñ berençe sänğat’ häm antikvariat yärminkäsendä tatar rässamı Närgiz Aqçuranıñ äsärläre urın alğan.