Dön’ya matbuğatına küzӓtü 21.02.2020

Angliyada basıluçı bӓysez ğarӓp gazetı “Alsharq Alawsat” beldergӓnçӓ Berlin Konferenśiyasendӓ Liviyağa daimi utnı tuqtatu çaqıruı yasaldı.

Baxreynda dön’ya kürüçe “Al-Ayam” gazetı Amerikan dӓwlӓt sӓrqӓtibe Mayk Pompeonıñ Riyadta Patşa Sӓlman Bin Abdülaziz tarafınnan qabul itelüen yaza. 

Qatarda çığuçı “Al-Raya Al-Katariya” basması citkergӓnçӓ Ӓnkara citӓkçelege Liviyadӓge bӓreleşlӓrneñ tuqtaluı öçen köçle xalıqara iradӓneñ bulmawın açıqladı.  

Germaniyaneñ Doyçe Velle media oyışması xӓbӓrenӓ kürӓ Törkiyӓneñ Berlindağı ilçese Xanaudağı höcüm belӓn bӓyle bularaq: “Ӓyterlek süz yuq,” – dide.

Şul uq ilneñ Welt.de xӓbӓr sӓxifӓse yazğança Awrupanıñ oçqıç citeşterüçe şirkӓte Airbus 2300 xezmӓtkӓren êştӓn çığaraçaq.

Alman telendӓge Handelsblatt.com internet sӓxifӓse Bötendön’ya iqtisad institutı başlığı Felbermayrnın tübӓndӓge süzlӓren citkerӓ: “Koronavirusnıñ dön’ya iqtisadına zıyanı könnӓn-kön arta bara.”

Franśiyaneñ “Le Parisyen” basması beldergӓnçӓ ildӓ 92 meñ keşe çara oyıştırdı, oppoziśiyaçel’lӓr xalıqnı çaralarda qatnaşırğa künderӓ almıy.

Şul uq ildӓ çığuçı “Le Mond” gazetı xӓbӓrenӓ kürӓ xökümӓt Franśiya su kiñlegendӓ neft’ êzlӓw êşçӓnleklӓren tuqtatuın açıqladı.

Franśuz telendӓge “Le Figaro” basması citkergӓnçӓ Awrupa Berlege Dimӓşk citӓkçelegennӓn İdlibtӓge höcümnӓren tuqtatunı soradı.

İspaniyada dön’ya kürüçe “El Mundo” gazetı Boliviya Yuğarı saylaw mӓxkӓmӓseneñ Êvo Moralesneñ may ayında uzaçaq ğomüm saylawda senatör namzӓte buluına kirtӓ quyuın yaza.

Rus telendӓge Lenta.ru xӓbӓr sӓxifӓse yazğança Êmmanuêl’ Makron hӓm Angela Merkel’ Vladimir Putinğa Törkiyä ilbaşı Räcäp Tayyip Ärdoğan belӓn urtaq söylӓşü ütkӓrergӓ tӓqdim itte.

Tatarstannıñ “Tatar-inform” mӓğlümat agentlığı beldergӓnçӓ anomal’ cılı qış arqasında Qazanğa aqçarlaqlar waqıtınnan alda kilde.