Dön'ya matbuğatına küzätü 10.01.2020

“Frans 24” kanalı xäbär itkänçä, Jastin Tryudo qazağa oçrağan Boing oçqıçınıñ İran raketası belän bärep töşerelüen farazlıy.

Ğaräp telendäge “Alşark Alawsat” gazetı da Ukraina oçqıçınıñ İran tarafınnan yalğış bärep töşerelüen kürsätüçe dälillär barlığın yaza. Kanada, Angliyä häm Amerika küzläw oyışmaları şulay uylıy.

Katarnıñ “Alraya” basması İran parlamentınıñ Pentagonnı terrorçılar isemlegenä kertüen citkerä.

Şulay uq, ğaräp telendäge “Alquds Alarabi” Trampnıñ “İrannıñ Bağdadtağı AQŞ ilçelegen bombalawnı planlaştıruı öçen Söläymaninı üterdek” digän süzlären kiterä.   

Franśiyäneñ “Liberaśion” gazetı pensiyä reformasına qarşı çığuçılarnıñ äle xaman çaralarnı däwam itüen citkerä.

“Êl Pais” basması “İspaniyäneñ xalıq sanı migrantlar arqasında tarixındağı iñ yuğarı kürsätkeçkä ireşte” dip yaza.

 Rusiyäneñ “Lenta.ru” säxifäse yazğança, AQŞnıñ Ukraina oçqıçın bärep töşergän raketanı küzätkän bulu mömkinlege şikländerä.

Şul uq ilneñ “İzvestiyä” gazetı Rusiyäneñ İran mäs’äläsendä barlıq yaqlarnı qısalardan çıqmasqa çaqıruın citkerä.

Germaniyäneñ “Doyç Velle” gazetı xäbär itkäñçä, Diniyä nazäräte törek islam berlege älege ildä imamnar xäzerli başladı.

“Handelsblatt.com” säxifäse yazğança, İran kiyerenkelege dön’yaküläm bazarlarğa täêsir itä: altın bäyäläre 2013nçe yıldan birle iñ yuğarı däräcäsenä citte.

Tatar-inform” mäğ’lümat agentlığı Tatarstan başqalası Qazanda berençe Xalıqara awıl yäş’läre kongressın qabul itärgä äzerlänülären belderä. Anda törle illärdän 250 keşe qatnaşaçaq.