Dön’ya matbuğatına küzätü 07.01.2020

Alman Welt.de xäbär säxifäse beldergänçä AQŞ-İran krizisı arqasında NATO ğadättän tış cıyıldı.

Germaniyaneñ Doyçe Velle media oyışması Gelsenkirchen şähärendä ber törekneñ poliŝiya tarafınnan üterelüen citkerä.

Qatarda dön’ya kürüçe “Al-Raya Al-Katariya” basması Törkiyä ilbaşı Ärdoğannıñ tübändäge süzlärenä urın birä: “Töbäktäge täraqqıyät’lärgä reakŝiya kürsätmiçä tora almıybız.”

Angliyada çığuçı bäysez ğaräp gazetı “Alsharq Alawsat” yazğança AQŞ Saqlanu ministrlığı Ğiraqtan çigenmäyäçäklären açıqladı. 

Omanda basıluçı “Vatan” gazetı Ğiraqnıñ çit il köçläreneñ ildän çigenüe mäs’äläsendä berence adımnar yasıy başlawın xäbär itä.  

Xäbärdän kürengänçä Vaşington citäkçelege Ğiraqqa çikläwlär belän yanadı. Londonnıñ da Ğiraq mäs’äläsendä bilgele planı yuq, lakin Parij citäkçelege söyläşülär öçen waqıt sorıy.

Boliviyaneñ “La Bolivia” gazetı ildä yaña däwlät başlığının 3 may könne saylanaçağın yaza.

Franŝiyada basıluçı “Le Figaro” gazerı hönärçelär berlekläre häm xökümät arasındağı söyläşülärneñ qabat başlanuın citkerä.

Şul uq ilneñ France 24 televideniyese beldergänçä Amerikan armiyase Ğiraqtan çigenäçägen yalğışıp açıqladı.

Rusiyäneñ RİA Novosti agentlığı ildä anormal’ cılılıqnıñ xökem sörüen yaza. Xäbärdän kürengänçä Seberdä dä hawa cılılığı normal’ däräcädän 20 graduska artıq.

“İzvestiya” gazetı yazğança Vladimir Putin pravoslavlarnı Raştua bäyräme belän qotladı.

“Rossiyskaya Gazeta” basması Rusiyä saqlanu ministrı Sergey Şoygunıñ İran Ğomüm ştab başlığı belän telefonnan töbäktäge soñğı kiyerenkelekne söyläşüen yaza.

Türktatar xäbär säxifäse yazğança Tatarstan başqalasında “Qazan çanası” festivale oyıştırıldı. Xäbärgä kürä çarada Qazan, Aznakay häm Layıştan kilgän 6 taqım köç sınaştı. Festival’neñ ciñüçese töp priz bulğan 50 meñ sumnı aldı.