Dön'ya matbuğatına küzätü

 “Al Jazeera” basması beldergänçä, Törkiyä ilbaşı Räcäp Tayyip Ärdoğan “Haftarnıñ legal’lege yuq. Sudan häm Rusiyäneñ  kontraktlı ğaskärläre Liviyada suğışa” dide.

 “Al Quds Al Arabi” gazetı Törkyä ilbaşı Ärdoğannıñ “Tunis Aljir häm Katarnıñ Liviya temalı Berlin sammitında qatnaşun yaqlıy” digän süzlären citkerä.

Katarnıñ “Äl Raya” basması İdlibtäge höcümnärdä 10 keşeneñ ğomere özelüen xäbär itä.

” Al Quds Al Arabi” yazğança, Rusiya Federaśiyäse däwlät başlığı Vladimir Putin “Rusiya häm İzrail çınbarlıqta 4 tapqır bäreleşügä bik yaqınaydı “dip belderde.

Germaniyanıñ “Deutsche Welle” media oyışması Törkiyä ilbaşı Ärdoğannıñ “Liviyada iñ qısqa waqıtta utnı tuqtatu täêmin itelergä tiyeş” digän süzlären alğı planğa çığara. Ärdoğannıñ Tunis ilbaşı belän oçraşuında Liviyada utnı tuqtatu öçen kiräkle adımnar söyläşelde.

”Ard.de” säxifäse beldergänçä, monnan 15 yıl êlek Hind okeanı yar buylarında śunami fäläkäte küzätelde. Anda 228 meñ keşe yaqtı dönyadan kitte.

“Süddeutsche Zeitung” İzrail reaktiv oçqıçlarınıñ Ğazzägä höcüm itüen citkerä.  

“Obzor.press” xäbär agentlığı Vladimir Putin 5 generalnı wazıyfasınnan aldı dip belderä.  

“TASS” xäbär agentlığı citkergänçä, Mäśkäw mäxkämäse Rusiya Federaśiyäse ğomum ştab başlığı urınbasarı Arslanovnıñ mal-mölkäten tuñdırdı.   

Rusiyäneñ “Lenta.ru” xäbär säxifäse Rusiya Federäsiyäse ênergetika ministrı Novaknıñ “Tön’yaq ağım-2 “ütkärgeçendä sankśiyälärgä qaramastan tözeleşneñ däwam itäçäge turındağı süzlären uquçıları belän urtaqlaşa.

”Le Monde” xäbär itkänçä, Gonkongta säwdä üzägendä protestçılar belän poliśiya arasında bäreleş kilep çıqtı.

“France 24” xäbärenä kürä Aljirda general Ahmed Gaid Salah öçen cenaza cıyını ütkärelde.

 “Türktatar” säxifäse beldergänçä, Tatarstan yıllıq 36-37 million tonna bulğan neft’ citeşterüne 40 million tonnağa citkerä ala. Tatarstan ilbaşı Röstäm Miñnexanov här yıl tradiśion bularaq jurnalistlar belän ütkärgän oçraşuda cömhüriyätneñ neft’ citeşterüne arttıru potenśialına iyä bulun belderde.