Dön'ya matbuğatına küzätü 20.12.2019

Germaniyäneñ zdf.de säxifäse ildäge federal’ parlamentnıñ klimat paketın raslawın belderde.

Şpigel.de mäğ’lümat säxifäse isä Saksoniyä cirlegendä Keniya koaliśiyäse tözelüen citkerä.

“Doyç Velle” gazetı Germaniyä belän Rusiyäneñ “Tön’yaq ağımı-2” proyektına qarata sankśiyälärgä rizasızlıq belderüen xäbär itä.

Ğaräp telendäge basmalardan “Al Quds Al Arabi” yazğança, İzrail oçqıçları Ğazzä çigendä qayber ob’yektlarnı bombaladı.

“Al Jazeera” Liviyä kileşü xökümäteneñ Törkiyädän yärdäm sorawın xäbär itä.

“Al Şark Al Awsat” gazetı Putinnıñ “Trampnı wazıyfadan alu prośessı “fabrikaśiyälängän” ğayepläwlärgä nigezlänä” digän süzlären alğı planğa çığara.   

İspaniyäneñ “Êl Pais” gazetı “Awrupa parlamentı êlekkege Kataloniyä liderı Puçdemonnı Awrupa Berlege xalıq ışanıçlısı bularaq tanu öçen kiräkle êşçänleklärne bügen başlıy” dip yaza.

Venesuêlanıñ Telesur televizion kanalı xäbär itkänçä, Maduro xökümäte BMO küzendä Venesuêlanıñ berdänber wäqaläte bularaq tanıldı.

Argentinanıñ İnfobae êlektron gazetı yazğança, Xalıqara valyuta fondı tikşerenülärne tögälläde häm Êkvadorğa 498 million dollar tülärgä qarar çığardı.   

Franśiyäneñ “Le Figaro” gazetı citkergänçä, 20nçe dekabr’däge êş taşlawlar Parij töbägendä yaqınça 300 çaqrımlıq “böke”lär barlıqqa kiterde.

Şveyśariyäneñ “Le Temps” gazetı Franśiyädä êş taşlawlarnıñ bik qıymmätkä töşäçäge turında yaza.

Rus telendäge “Kommersant” gazetı xäbär itkänçä, Rusiyä beläñ Ukraina gaz tranzitı mäs’äläsendä kileşügä ireşte.

Şul uq ilneñ Lenta.ru säxifäse yazğança, Mäskäwdä FSB yanında kiçä kiçke säğat’lärdä ut açıp 1 xezmätkärne üterüçeneñ kemlege häm anıñ mömkin bulğan maqsatı açıqlandı. Bu Putinğa qarşı provoqaśiyä dip farazlana.