Dön’ya matbuğatına küzätü 04.11.2019

Germaniyadä çığuçı “Süddeutsche Zeitung” gazetı ilneň çik buyında ber qaçaqnı da kire cibärmäwen yaza.

Angliyada kön kürüçe bäysez ğaräp gazetı “Alşark Alavsat” ğiraqlı protestçılarnıň Kerbeladağı İran konsullığın qamap, Ğiraq bayrağın êlärgä tırışuın citkerä.

Qatarda basıluçı “Al-Raya Al-Katariya” gazetı beldergänçä Ğiraqtağı çaralar 9nçı könendä tağın da köçle häm kübräk keşe qatnaşında başlandı.

Soğud Ğaräbstanında çığuçı “Al-Riyad” basması Soğud Ğaräbstanı patşası Salman Bin Abdülazizneň Malayziya prem’yer-ministrı wäkile häm mäğarif ministrın qabul itüen yaza.

Kolumbiyaneň “El Colombiano” gazetı Boliviyada çaraların däwam itterüçe oppoziṡiyaçellärneň däwlät başlığı Êvo Moraleska wazifadan kitüe öçen 48 sägät’ waqıt birüen citkerä.

Venesuêlanıň “Telesur” televideniye kanalı xäbärenä kürä Venesuêla xökümäte ildäge Sal’vadorlı diplomatik personalnı persona non grata iğlan itep, ildän kitülären soradı.

Franṡiyadä basıluçı “Le Figaro” gazetı däwlät başlığı Êmmanuêl’ Makronnıň xezmättäşlek êzlänüe öçen Qıtayğa qabat säfär oyıştıruın xäbar itä.

Bel’giyaneň “Le Soir” basması beldergänçä Ruanda küpläp üterüe mäs’äläse Bel’giyada qabat mäxkämädä qarala.

Rusiyäneň TASS xäbär agentlığı xäbärenä kürä Kreml’ süzçese Dmitriy Peskov ileneň Ukraina aşa gaz tranzitınnan waz kiçmäwen äytte.

RİA Novosti agentlığı Amerika Quşma Ştatları däwlät başlığı Donal’d Trampnıň Rusiyä belän mönäsäbätläreneň bik yaxşı buluın äytüen citkerä.

Şul uq ilneň Lenta.ru xäbär säxifäse Amerikan texnologiya şirkäte Applenıň düşämbe könennän başlap iske Ayfon häm Ayped cihazları iyäläreneň internetka kerä almayaçağın iskärtüen yaza.