Dön'ya matbuğatına küzätü 1.11.2019

Soğud Ğaräbstanında ingliz telendä çığuçı “Alşark Alawsat” gazetı Ğıyraqnıñ irtä saylawlarğa taba baruın yaza. Saylaw qanunı üzgärä häm yaña qanun 1 atna êçendä äzer.

“Al-Raya Al-Katariya” basması Törkiyä êçke êşlär ministrı Söläyman Soylunıñ ni öçen Katarğa kilüe turında yaza.  

“Al-Rıyad” gazetı “Amerika patrul’ maşinaları Süriyä-Törkiyä çigendä” dip xäbär itä.

Nemeś telendä çığuçı “Süddoyçe Śaytung” gazetı yazğança, Äsad Germaniyä saqlanu ministrınıñ Süriyä planın kire qağa.

“Doyç Velle” nemeś xökümäteneñ êşsezlek häm tözeleş tarmağındağı krizisqa çara êzläwen citkerä.

Rusiyäneñ törek telendä yazuçı Gazetem.ru xäbär säxifäse Atatörek häm Sankt-Peterburg universitetları arasındağı mädäni xezmättäşlek turında yaza.

Şul uq ilneñ Türkrus.com xäbär säxifäse yazğança, Sberbanknıñ Denizbanknı satuı keremendä zur kimügä säbäpçe buldı.

İspaniyä agentlığı EFE Amerika İspaniyäneñ klimat sammitın planlaştırılğan waqıtta Madridta ütkärergä täq’dim itüen citkerä. Ul dekabr’dä Çilidä uzarğa tiyeş ide, ämma rizasızlıq çaraları säbäple ğamäldän çığarıldı.

İspaniyäneñ “El Pais” basması citkergänçä, Bağdadinıñ üleme raslanğannan soñ DEAŞ yaña ataman sayladı.

Franśiyäneñ “Le Monde” basması Fälästinle ber yäşüsmerneñ üterelüe belän bäyle bularaq İsrail xärbiyeneñ ber aylıq ictimağıy êşkä cibärelüen yaza.

“Frans 24” xäbär itkänçä, Tramp impiçment prośedurasınıñ “AQŞ tarixındağı iñ zur ubırlı awı” buluın söyläde.