Dönya matbuğatına küzätü 08.08.2019

Livannıñ “Äl Xayat” gazetı Törkiyä Süriyä mäs’äläsendä Amerika räsmi zatları belän söyläşülärdä kileşü täêmin itte dip belderä.

Angliyädä çığuçı bäysez ğaräp gazetı “Alşarq Alawsat” yazğança, Sudannı terror isemlegennän sörtü öçen Amerika Quşma Ştatlarınıñ şartları bar.

Katarnıñ “Al-Raya Al-Katariya” basması Soğud Ğaräbstanı täxet varisı Bin Sälman “Vaşington Post” gazetına mäqalälär yazuçı Soğud Ğaräbstanı jurnalistı Cämal Qaşıqçı cinayäten Amerika saylawınnan êlek onıttırırğa mataşa dip xäbär itä.

Franśiyanıñ “Le Monde” gazetı 2017 nçe yılda 3 balası belän Franśiyadan Süriyägä kitkän änineñ 8 yılğa törmägä utırtıluın citkerä.

Bel’giyäneñ “Le Soir” basması yazğança, 5 bel’giyäledän berse suğışçılarnı ğazaplap intekterüne normal’ dip sanıy.  

Franśiyanıñ “Le Figaro” gazetı global’ cılınunıñ dönya külämendä azıq-tölek iminlegenä qurqınıç tudıruı turında yaza.

Germaniyada çığuçı “Bild” basmasınıň internet sӓxifӓse beldergӓnçӓ, ildäge küllärdä it aşawçı bakteriya tabılğan , küldä qoyınğan 1 xatın qıznıñ ğomere özelgän.

“Deutsche Welle” AQŞ häm Törkiyä Süriyädä imin ışanıçlı töbäk buldıru mäs’äläsendä kileşte dip belderä.

 “Spiegel-online” xӓbӓrenӓ kürӓ  Xalıqara yarlıqaw oyışması  Amerika Quşma Ştatlarına säyäxät itärgä cıyınuçılarnı utlı qorallar belän bäyle kisätte. Turistlarnıñ härwaqıt aşığıç ğamäl planı buluı kiräklegenä basım yasadı.

Venesuêlanıñ “Telesur” gazetı Venesuêla däwlät başlığı Maduronıñ 8-9 nçı avgust könnärendä uzaçaq häm oppoziśiya wäkilläre dä qatnaşaçaq söyläşülärdä xökümatneñ urın almayacağı turında äytüen citkerä.

Rusiyäneñ “İzvestiya” gazetı Rusiya armiyäsendä kiber piratlarğa qarşı maxsus büleklär buldırılaçağın xäbär itä.

Rusiyäneñ “TASS” xäbär agentlığı Qırğızstannıñ êlekke ilbaşı Almazbäk Atambayenıñ öyenä oyıştırılğan operaśiya waqıtında  maxsus köçlärgä ut açuın qabul itüen belderä.

Tatarstannıñ “Tatar-inform” mäğ’lümat agentlığı xäbär itkänçä, oluğ xac ğıybadäte başlanğançı izge Mäkkä cirlärenä kitkän Tatarstan xaciları törkem citäkçeläre belän tarixi häm istälekle urınnar belän tanışa.  Êkskursiyälär xac ğıybadäte könnärendä bulırğa urınnarnı aldan barıp kürü, cirlekkä häm hawa şartlarına caylaşunı täêmin itü , biredäge geografik üzençäleklärne toyımlaw maqsatınnan oyıştırıla.