Dönya matbuğatına küzӓtü 07.08.2019

Angliyada basıluçı bӓysez ğarӓp gazetı “Alşark Alavsat” difteriyaneň Yӓmӓndӓ tüntӓreleşçelӓr kontrolendӓge 237 töbakkӓ yanawın yaza.

Qatarda kön kürüçe “Al-Raya” basması İzrailneň Yordannıň Könbatış üzӓnlegendӓ 2304 toraq punktnıň qorıluın raslawın citkerӓ.

“Alquds Alarabi” gazetı DEAŞ terror oyışmasınıň Süriyӓdӓ qabat barlıqqa kilüen hӓm Ğiraqtağı barlığın köçӓytüen xӓbӓr itӓ.

Germaniyada çığuçı “Bild” basmasınıň internet sӓxifӓse beldergӓnçӓ ildӓ it êşlӓnmӓlӓrendӓ östӓmӓ qimmӓt salımı 7%tan 19%ka çığa.  

“Spiegel-online” xӓbӓrenӓ kürӓ Törkiyӓ Süriyӓneň tön’yağına xӓrӓkӓt oyıştırırğa ӓzerlӓnӓ.

Alman jurnalı “Stern”nıň internet sӓxifӓsendӓ AQŞtağı El Paso şӓhӓrendӓ şaqtıy keşene ütergӓn höcümçeneň üz qız tuğanın da üterüeneň öyrӓnelüe citkerelӓ.

Rusiyӓneň RBK xӓbӓr agentlığı beldergӓnçӓ İnguşetiyada rus iminlek köçlӓre terrorçılıqqa qarşı körӓş qısalarında operaŝiya başlattı.

“Russia Today” televideniye çeltӓre Yaponiyaneň Rusiyӓneň Kön’yaq Kuril utrawlarına qarağan protestın qabul itmӓwen belderӓ.

Lenta.ru xӓbӓrenӓ kürӓ Ukrainanıň qorallı köçlӓre Doneŝkka qarşı aşığıç rӓweştӓ armiyane êşkӓ kereşterӓ.

Franŝiyaneň “Le Figaro” basması Kim Çen Innıň Tön’yaq Koreya çınğa aşırğan raketa oçırtularnıň AQŞ hӓm Kön’yaq Koreyağa qarata kisӓtü buluın ӓytüen yaza.

Tatarstannıň “Tatar-inform” xӓbӓr agentlığı beldergӓnçӓ dӓwlӓt başlığı Röstӓm Miňnexanovnıň êş sӓfӓre belӓn Rostov ölkӓsenӓ kilüen citkerӓ.

Xӓbӓrdӓn kürengӓnçӓ ilbaşı Rostov ölkӓsendӓ “Ay-Plast” êşxanӓ açılışına baraçaq hӓm töbӓk başlığı belӓn oçraşaçaq.