Dönya matbuğatına küzӓtü 23.07.2019

Livanda kön kürüçe “Al-Hayat” gazetı beldergӓnçӓ Mӓskӓw citӓkçelege Süriyӓdӓ ber bazarnı maqsat itep aluı turındağı xӓbӓrlӓrne yalğan dip belderde.

Angliyada çığuçı bӓysez ğarӓp gazetı “Alşark Alavsat” Amerika Quşma Ştatları dӓwlӓt başlığı Donal’d Trampnıň tübӓndӓge süzlӓren citkerӓ: “İrannıň CIA şımçıların qulğa aldıq” açıqlawı - yalğan.”

Qatarda basıluçı “Al-Raya Al-Katariya” gazetı xӓbӓrenӓ kürӓ Xafter köçlӓreneň ber pilotı Tuniska qaçtı.

Germaniyada kön kürüçe “Bild” basmasınıň internet sӓxifӓse Kön’yaq Koreya hawa köçlӓreneň Rusiyӓ oçqıçına ut açuın yaza.

Şul uq ilneň “Tagesşau” televideniye çeltӓre beldergӓnçӓ yaňa Volksvagen êşxanӓse öçen Törkiyӓ bik şanslı.

“Doyçe Velle” media oyışması 14 ilneň Urta diňgezdӓge qaçaqlarnı büleşüne qabul itüen citkerӓ. Awrupa Berlegenӓ ӓğza bulğan 14 il Urta diňgezdӓ qotqarılğan qaçaqlarnı büleşüne küzdӓ totuçı mexanizmnı qabul itte. Qararnı Franŝiya dӓwlӓt başlığı Makron cӓmӓğat’çelekkӓ açıqladı.

İspaniyaneň “La Vangardiya” basması Venesuêlada qabat utnıň betüen, millionnarça keşeneň qaraňğıda qaluın xӓbӓr itӓ.

“Rossiyskaya Gazeta” basması xӓbӓrenӓ kürӓ Törkiyӓ S-400 sisteması kisӓklӓren citeşterüne başlata ala.

RİA Novosti agentlığı Xabarovsk töbӓgendӓ ber balalar lagerendӓ çıqqan yanğında 1 balanıň yaqtı dönyadan kitüen yaza.

 “İzvestiya” gazetı beldergӓnçӓ Berlӓşkӓn Millӓtlӓr Oyışması hӓm Xalıqara yarlıqaw oyışması Ukrainada yӓşeren törmӓlӓr barlığın döres dip belderde.

Franŝiyadӓ kön kürüçe “Le Figaro” gazetı ildӓge qızulıq arqasında 56 töbӓktӓ sarğılt qızıl sörӓnneň salınuın citkerӓ.

Şul uq ilneň “Le Parisien” basması xӓbӓrenӓ kürӓ Franŝiya İzrail armiyasenen fӓlӓstinlelӓr öyen cimerüen ğayeplӓde.