Dönya mtabuğatına küzӓtü 22.07.2019

Livanda kön kürüçe “Al-Hayat” gazetı beldergӓnçӓ İran citӓkçelege törle sŝenariylarğa ӓzer hӓm London citӓkçelege neft’ tankerınıň irege öçen variantlarnı küzdӓ kiçerӓ.

Angliyada çığuçı bӓysez ğarӓp gazetı “Alşark Alavsat” Amerikan armiyaseneň Ğiraqnıň könbatışında urnaşqan El-Rutba şӓhӓrçegennӓn kinӓt kenӓ çigenӓ başlawın yaza.     

Soğud Ğarӓbstanında basıluçı “Al-Rıyad” gazetı ilneň tışqı êşlӓr ministrlığınıň xalıqara cӓmӓğat’çelekneň İran bozuların tuqtatuı zarurlığın citkerüen xӓbӓr itӓ.

Franŝiyaneň “Le Mond” basması xӓbӓrenӓ kürӓ ildӓ düşӓmbedӓn başlap êsse hawa küzӓtelӓçӓk.

Şul uq gazet Gonkong citӓkçelegeneň könnӓn-kön butalçıq xӓlgӓ kilüçe kriziska taba baruın yaza.

Franŝiyaneň “Le Figaro” gazetı Ormuz buğazında London belӓn Tӓhran citӓkçeleklӓre arasında kiyerenkelekneň artuın citkerӓ.

İspaniyadӓ kön kürüçe “El Mundo” gazetı beldergӓnçӓ Nikaragua dӓwlӓt başlığı Ortega oppoziŝiya belӓn söylӓşüne kire qaqtı hӓm 2021 yılda ğomüm saylawnıň uzaçağın iğlan itte.

Germaniyaneň “Doyçe Velle” media oyışması İrandağı İnqilap saqçıları armiyaseneň Ormuz buğazında Angliya bayraqlı neft’ tankerın qulğa töşerüen xӓbӓr itӓ.

Rusiyӓneň “Vesti” gazetı xӓbӓrenӓ kürӓ Ukrainadağı Üzӓk saylaw komissiyase birgӓn mӓğlümatqa kürӓ dӓwlӓt başlığı partiyase “Xalıq xezmӓtkӓre” saylawda alda bara.

Şul uq ilneň “İzvestiya” gazetı Bötendönya su sportları çempionatınıň yӓnӓ Tatarstan başqalası Qazanda oyıştırılaçağın uquçıları belӓn urtaqlaşa.

TASS agentlığı Rusiyӓneň cilӓk-cimeş hӓm yӓşelçӓlӓrneň çik buyınnan ütkӓrelüenӓ qarağan qağidӓlӓrne arttıracağın yaza.

Tatar-inform xӓbӓr agentlığı beldergӓnçӓ Qazanda 2025 yılda Su sport törlӓre buyınça dönya çempionatı oyıştırılaçaq.