Dönya matbuğatına küzätü 19.07.2019

Livannıñ “Äl Hayat” basması yazğança, Mäskäw Süriyädä cir öste köçläre urnaştırulu turındağı xäbärlärneñ döres bulmawın belderde.

Angliyädä çığuçı bäysez ğaräp gazetı “Alşarq Alavsat” Amerika Quşma Ştatları ilbaşı Trampnıñ xäzerge waqıtta Törkiyägä sankśiyälär kertü niyäte bulmawları turında äytüen citkerä.

Katarda çığuçı “Äl- Raya Äl-Katariya” gazetı İzrailneñ Soğud Ğaräbstanında xärbi baza tözüenä az qaldı dip belderä.

Germaniyada çığuçı  “Bild.de” gazetınıñ internet säxifäse AQŞ ilbaşı Donal’d Trampnıñ Amerika flotı köymäseneñ  İrannıñ keşesez hawa apparatın bärep töşerüe turında äytüen xäbär itä.

”Rusiyäneñ “Vesti.ru” säxifäse  Rusiyägä qarata yaña sankśiyäne küzdä totuçı qanun proyektı AQŞ Kongressı kön tärtibeña kilde dip yaza.

”İnterfaks” beldergançä, Mäskäwdäge “Şeremet’yevo” hawa mäydanında êvakuaśiya waqıtında 8 keşe yaralandı.

Rusiyäneñ “TAAS” xäbär agentlığı Rusiya Federaśiyäse däwlät başlığı Vladimir Putinnıñ su basu fäläkäte küzätelgän İrkutsk töbägenä kitüen xäbär itä.

Venesuêlanıñ “Últimas Noticias” gazetı Venesuêlanıñ Ğıyraqnıñ Ärbil qalasındağı höcümne ğayepläwen belderä.

Kolumbiyanıñ “RCN” radiosı Bel’giyäneñ Kolumbiyadağı venesuêlalı qaçaqlarğa buşlay 300 meñnän kübräk vakśina cibärüen citkerä.

Tatarstannıñ “Tatar-inform” mäğ’lümat agentlığı xäbär itkänçä, 24 nçe iyül’dä Soğud Ğaräbstanına Tatarstan xacilarınıñ berençe törkeme oça.

Töbäk möftiyätläre arasında kvotalarnı bülü näticäsendä Tatarstan möselmannarı Diniyä näzarätenä 1800 urın bülep birelgän. Xacilarnıñ berençe 4 törkeme 196 keşe täşkil itä. Alar artınnan uq Qazan aêroportınnan 49 xaci yul alaçaq. Alarnıñ Qazannan oçuı niyatlänä.

Şul uq säxifä citkergänçä, Qazannıñ Qol Şärif mäçete dönyada iñ yış fotoğa töşerelä torğan istälekle urınnar isemlegenä kergän.

Ğomum reytingnıñ berençe urının Parijdağı Êyfel’ manarası , ikençe häm öçençe urınnarın Rimdağı Kolizey häm Trevi fontanı alğan.

 Dürtençe urında Barselonadağı Svyatoye Semeystvo Xramı,bişençe urında Parij İzge Ana Soborı tora.