Dönya matbuğatına küzӓtü 18.07.2019
Qayber çit il basmalarına küzätü
Livanda kön kürüçe “Al-Hayat” gazetı Ğiraqnıň Erbil şӓhӓrendӓ ber törek diplomatınıň qorallı höcümgӓ duçar qaluın yaza.
Qatarda çığuçı “Al-Raya Al-Katariya” gazetı Törkiyӓ ilbaşı Ӓrdoğannıň tübӓndӓge süzlӓren uquçıları belӓn urtaqlaşa: “S-400 sistemasın suğışır öçen tügel, milli iminlegebezne saqlar öçen qullanaçaqbız.”
Germaniyada basıluçı “Merkur” jurnalınıň internet sӓxifӓse beldergӓnçӓ törek diplomatları kergӓn restoranda oyıştırılğan qorallı höcümdӓ 3 keşeneň ğomere özelde.
Şul uq ilneň “Deutsche Welle” media oyışması AQŞnıň xӓrbi oçqıçlarnı Törkiyӓgӓ birmӓyӓçӓgen citkerӓ.
“Russia Today” televideniye çeltӓre xӓbӓrenӓ kürӓ Rusiyӓdӓge Kalininskaya Atom-töş ênergiya stanŝiyaseneň 3 öleşendӓ êşçӓnleklӓr tuqtatıldı.
Lenta.ru Donbass töbӓgendӓ utnı tuqtatunıň urnaştırıluın xӓbӓr itӓ.
“El Mundo” gazetı Qıtaylı belgeçlӓrneň törle viruslar yoqtıruçı çerkilӓrgӓ qarşı körӓşӓ alaçaq ısul taba aluların yaza.
“Telesur” basması Poro Rikodağı rizasızlıq belderüçelӓrgӓ qarşı poliŝiyağa qulğa alu ӓmireneň birelüen citkerӓ.
Franŝiyada kön kürüçe “Liderasyon” gazetı beldergӓnçӓ sarı jiletlılarnıň protest çaralarınnan soň iminlek köçlӓre xaqında 400gӓ yaqın tikşerü açıldı.
Şul uq ilneň “Frans 24” xӓbӓr kanalı êbola kizüe arqasında dönyakӓülӓm ğadӓttӓn ış xӓlneň iğlan itelüen citkerӓ.
Tatar-inform xӓbӓr agentlığı Tübӓn Novgorod ölkӓsendӓ Xӓydӓr Bigiçevnıň tuuına 70 yıl tulu uňayınnan festival’neň uzuın yaza. Xӓbӓrdӓn kürengӓnçӓ bӓygedӓ vokal’ kollektivlar da, ayırım başqaruçılar da qatnaşa ala.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü