Dön'ya matbuğatına küzätü 17.07.2019

Livannıň“Al-Hayat” gazetı Nigeriyä sulıqlarında 10 törek diňgezçeseneň urlanuı turında yaza.

İngliz telendä çığuçı ğaräp gazetı “Alşark Alawsat” AQŞ ilbaşı Trampnıň “İran belän zur alğa kiteş küzätelä häm anıň Yamändäge waqıyğalardan çittä toruın telibez” digän süzlären citkerä.  

Soğud Ğaräbstanı gazetı “Al-Rıyad” xäbär itkänçä, Portugaliyä iminlek yözennän iranlılarnıň viza êşlären tuqtatıp tora.

İspaniyäneň “El Pais” gazetı “Kiprdağı gaz öçen tartqalaşu Urta diňgezdäge kiyerenkelekne arttıra” dip yaza.

Şul uq ilneň “El Mundo” gazetı yazğança, Ursula von der Leyen 14 kön êçendä Awrupa komisiyäse räise bula aldı.  

Kolumbiyäneň “Êl Heraldo” gazetı Mayk Pompeonıň Kolumbiyädä soňğı waqıtlarda narkotik belän köräştä alğa kitülären tanuı turında citkerä.

Germaniyäneň “Doyçe Welle” matbuğat çarası beldergänçä, Feysbuknıň aqça berämlege Libra borçuğa sala. Ul 2020nçe yılnıň berençe yartısında qullanılışqa keräçäk.

Nemeŝ xäbär säxifäse “Tagesspiegel.de” “Törkiyä nigä köçle?” digän soraw quya. Anda tışqı êşlär ministrı Mawlet Çavuşoğlunıň: “Ägär Awrupa Berlege Törkiyäne sankŝiyäläre belän Urta diňgezdä tuqtataçağın uylasa, yalğışa” digän süzläre kiterelä.

Franŝiyäneň “Le Figaro” gazetı “AQŞ häm İran: Awrupa bu krizisnı tuqtata almıy” dip yaza

Şul uq ilneň “Le Parisien” gazetı farsı çığışlı franŝuz tikşerenüçese Fariba Abdelkaxnıň İranda qulğa alunuın xäbär itä.

Rusiyä gazetı “Vesti” “Tön’yaq Ağım-2” tabiğıy gazütkärgeçeneň diňgez öleşe tözeleşeneň öçtän ikese tamamlandı dip belderä.  

“RİA Novosti” rus xäbär agentlığı citkergänçä, S-400 komponentların taşuçı 13nçe oçqıç Törkiyagä töşep utırdı.

Rusiyäneň xäbär säxifäse Lenta.ru NATOnıň yalğış AQŞ atom-töş qoralı citeşterü mäydannarın açıqlawın yaza.