Dönya matbuğatına küzätü 29.05.2019

Soğud Ğaräbstanınıñ “Alşarq Alawsat” basması Franśiya Bagdat xökümäten Fransiya watandaşı bulğan 5 “DEAŞ”lığa ülem cäzası birmäskä çaqırdı dip yaza.

Katarda çığuçı “Al-Raya Al-Katariya” gazetı İzrail fälästinlelärne ütergän ğaskärlärenä qağılğısızlıq birüen qabul itte dip citkerä.

Soğud Ğaräbstanınıñ “Al-  Rıyad” gazetı Yämän iq’tisad komissiyäseneñ suğışçılar ğamälläreneñ il iqtisadın tulısınça qaqşataçağı turında äytüen belderä.

 “Frankfurter Allgemeine Zeitung” beldergänçä, xökümät antisemitizm wazıyfalısı böten almannarnı şimbä könne kippa, yäğ’ni yähüdlär kepkası kiyärgä çaqıra.

Argentinanıñ “Telesur” kanalı Kuba tışqı êşlär ministrı Bruno Rodrigesnıñ Qıtayğa räsmi säfär yasawın xäbär itä.

Şveśariyäneñ “Le Temps” gazetı Franśiyada Makron-Le Pen duêllosınıñ qabat kön tärtibendä buluın belderä.

Belgiyäneñ “Le Soir”gazetı yazğança Bryussel’dä 4 meñnän kübräk keşe çiktän tış uñçılıqnıñ artuına rizasızlıq belderde.

Franśiyanıñ “Le Figaro” gazetı Bryussel’dä Awrupanıñ möhim wazıyfalarına iyä bulu öçen köräş başladı dip yaza.

Rusiyäneñ “rusonline.org” internet säxifäse citkergänçä Rusiya Federaśiyäse saqlanu ministrı kiñäşçese Andrey İl’niśkiy Amerika Quşma Ştatlarınıñ Rusiyäne totrıqsızlaştıru öçen yasayaçaq adımnarın añlattı.

Rusiyäneñ “TASS” xäbär agentlığı Rusiya Federaśiyäse däwlät başlığı Vladimir Putinnın Yuğarı Avraziya iq’tisadi şurası cıyılışında qatnaşu öçen Qazaqstanğa kitüen xäbär itä.

Tatarstannıñ “Tatar-inform” mäğ’lümat agentlığı beldergänçä, Tatarstan ilbaşı Röstäm Minnexanov bügen WorldSkills Russia 7 nçe ilküläm çempionatınıñ medal’ zaçyetında berençe urınnı yawlağan Tatarstan cıyılma komandasın xörmätläwdä qatnaşaçaq.