Dönya matbuğatına küzätü 24.05.2019

Germaniyanıñ ”Welt” gazetı Yunkernıñ Germaniya kanślerı Angela Merkelnı qaçaq krizisındağı role uñayınnan maqtadı dip yaza.

“Deutsche Welle” beldergänçä, Awrupa parlamentı saylawı başlandı.  

“Süddeutsche Zeitung”  xäbär itkänçä, “Bosch” gaz çığaru sisteması skandalı belän bäyle 90 million yevro cäza tülärgä mäcbür bulğan.

Soğud Ğaräbstanınıñ ”Alşarq Alavsat” gazetı Sudannıñ waqıtlı parlament başlığı urınbasarınıñ Soğud Ğaräbstanına kitüe turında yaza.

Katarnıñ “Al-Raya Al-Katariya” basması Soğud Ğaräbstanı Katarnı basıp alıp tabiği gazın qulğa töşerüne planlaştırdı dip belderä.

“Al-  Hayat “ beldergänçä, Livanda ministrlar şurasında wäqalätlär häm qararlar mäs’äläsendä yäşeren tartışular arqasında byudjet raslana almıy.

Franśiyanıñ “Le Parisiyen” gazetı Orta Afrikada yaña küpläp üterüdän soñ 3 könlek matäm iğ’lan itelüen citkerä.

Franśiyanıñ “Le Figaro” gazetı yaqınça 300 qaçaqnı Liviya yar buyı iminlege qotqardı dip yaza.

İspaniyanıñ “Expansión”gazetı İspaniya Üzäk bankınıñ  il iq’tisadınıñ burıç külämeneñ arta baruı turında belderüen citkerä.

Rusiyäneñ “Lenta.ru” xäbär säxifäse Amerika Quşma Ştatları Rusiyäneñ iñ möhim iq’tisadi forumında qatnaşunı kire qaqtı dip belderä.

Rusiyäneñ “RİA Novosti” xäbär agentlığı beldergänçä,   Zelenskiy citäkçelege wazıyfasınnan kitüen taläp itüçe imza kampaniyasın şayartu bularaq qabul itte.

”TASS” agentlığı Rusiya Federaśiyäse tışqı êşlär ministrlığınıñ Amerika Quşma Ştatlarınıñ êlekke däwlät särqätibe urınbasarı Viktoriya Nulandqa nigä viza birmäwen açıqlawın citkerä.

Tatarstannıñ “Tatar-inform” mäğ’lümat agentlığı xäbär itkänçä, Diniyä näzaräteneñ “Zäkät” fondı  “Tuğan awılım” kompleksında 250 moxtac bala öçen iftar mäclese oyıştırdı.