Dönya matbuğatına küzätü 13.05.2019

Germaniyaneň “Welt” gazetı alman sänägät’ şirkäte “ThyssenKrupp”nıň 6 meň keşene êştän çığaraçağın yaza.

Şul uq ildä çığuçı “Frankfurter Allgemeine Zeitung” gazetı beldergänçä Germaniyadan yılnıň berençe 3 ayında 5613 qaçaq ildän cibärelgän.

Zdf.de Awrupa Berlege ministrlarınıň İran mäs’äläsen qarayaçaqların citkerä.

Angliyada basıluçı bäysez ğaräp gazetı “Alşark Alavsat” 30 yıldan soň Omannıň Ğiraqtağı ilçelegen qabat açuın yaza.

Qatarnıň “Al-Raya Al-Katariya” basması xäbärenä kürä könbatış illäreneň Soğud Ğaräbstanı yaqlı totış kürsätüe Yämändäge suğışnı ozınata.

Franṡiyaneň “Le Parisien” gazetı Bel’giyaneň Soğud Ğaräbstanına qoral satuın ğamäldän çığarırğa äzer buluın belderä.

Şul uq ilneň “Libération” basması Burkina Fasodağı çirkäw höcümendä 6 keşeneň yaqtı dönyadan kitüen yaza.

Bel’giyada kön kürüçe “Le Soir” gazetı İzrailneň Ğazzägä uzu urınnarın 9 könnän soň qabat açuın citkerä.

Argentinanıň “Rio Negro” xäbär portalı Mäcles binası yanında qorallı höcümdä yaralanğan xalıq ışanıçlısı Xektor Olivaresnıň wafat buluın belderä.

Rusiyäneň TASS xäbär agentlığı beldergänçä AQŞ däwlät särqätibe Mayk Pompeo Mäskäwgä säfären ğamäldä çığardı.

RİA Novosti xäbärenä kürä Serbiya könbatışnıň Rusiyä belän bulğan mönäsäbätlärennän tınıçsız.

Tatar-inform xäbäre agentlığı Rusiyä Federaṡiyase däwlät başlığı Vladimir Putinnıň bügen Qazanda xärbi tematikağa bağışlanğan kiňäşmä ütkärüen yaza.