Dönya matbuğatına küzätü 10.05.2019

”Ard.de” xäbär itkänçä, Awrupa Berlege İrannıñ ul’timatumın kire qaqtı.

 “Deutsche Welle” media oyışması Germaniyada salım keremnäreneñ kimüen citkerä.

”Faz.de” beldergänçä, Germaniyanıñ İran belän säwdäse bik kimegän.

Soğud Ğaräbstanında ingliz telendä çığıçı “Alşarq Alavsat” gazetı İran tışqı êşlär ministrı Awrupa Berlegeneñ atom-töş kileşüe qısasındağı yöklämälärenä tuğrı qaluın sorağan.

Soğud Ğaräbstanınıñ “Al-  Rıyad” basması beldergänçä, ildä 400 mvt köçendä  qoyaş ênergiyäse stanśiyäse tözelä.

Meksikada çığuçı “La Jornada” gazetı Amerika Quşma Ştatlarınıñ Venesuêla säyäsäteneñ naticäläre arqasında Trampnıñ xıyalları çälpärämä kilde dip yaza.

Venesuêlanıñ “Telesur” xäbär portalı Rusiya Federaśiyäse tışqı êşlär ministrı Sergey Lavrov AQŞ belän Venesuêla xaqında kileşü mömkinlegen kire qaqtı dip belderä.

Franśiyanıñ “Le Monde” gazetı ike yıllıq kütäreleştän soñ ağımdağı yılnıñ berençe çiregendä turizm êşçänlekläreneñ kimüen xäbär itä.  

”France 24” kanalı beldergänçä,  Vaşington tamğaxanä salımnarın arttırdı, Pekin moña cawap qaytaraçaq.

”Xäbärrus” internet säxifäse Vladimir Putinnıñ Qızıl mäydandağı tantanada İkençe bötendönya suğışında ğazıy bulğan ätiseneñ fotoräsemen kütärep yörüen citkerä.

Rusiyäneñ “Lenta.ru” xäbär agentlığı Novosibirsk qalasında Stalin häykäle açıluın uquçıları belän urtaqlaşa.

Tatarstannıñ “Tatar-inform” mäğ’lümat agentlığı xäbär itkänçä, bıyıl Törkiyädä qunaqxanä bäyäläre sezon açılğançı uq qıymmätlänä başladı. Sezon waqıtında bäyälär 10-15%qa artaçaq.