Dön'ya matbuğatına küzätü

Angliyada basıluçı bäysez ğaräp gazetı “Alşark Alavsat” beldergänçä Donal’d Trampnıň İranğa yaňa çikläwlär kertüen açıqladı häm kübrägen ğamälgä kertäçäge belän yanadı.

“Alraya Alqatariya” basması Qatarlılarnıň xac häm ömrägä barularınıň tıyıluı mäs’äläseneň ozaqlamıy YUNESKO kön tärtibenä kiläçägen citkerä.

Meksikada çığuçı “El Universal” gazetı êşmäkär Karlos Slimnıň Madridtağı Sant’yago Bernabeu stadionınıň yaňa proyekt êşen üz östenä aluın yaza.

İspaniyada kön kürüçe “La Vanguardia” gazetı bakteriyalär belän köräşer öçen barlıqqa kiterelgän viruslarnıň 15 yäş’lek qıznı ülemnän qotqarıp qaluın xäbär itä.  

Germaniyaneň ARD televideniye kanalı beldergänçä ildä 2020dän başlap toraq yärdäme kütäreläçäk.

Zdf.de xäbär itkänçä AQŞnıň Germaniyadäge ilçese Germaniyaneň NATO çığımnarında ike yözlelek belän ğayepli. 

“France 24” beldergänçä Aljir küpläp üterüläre bulğan 1945 yılnıň 8 may könen iskä alu öçen Parijda çara oyıştırıldı.

Franŝiyaneň “Le Figaro” gazetı franŝuz turizmçılarınıň Qıtaylı turistlar kötkännären cirenä citkerüen yaza.

Rusiyädä basıluçı “Kommersant” gazetı Törkiyäneň Rusiyädän qorıç öçen östämä tamğaxanä salımın almaw qararın birüen citkerä.

Rus xäbär agentlığı TASS qotqaru törkemnäreneň Altay tawında qar körte astında qalıp, ülgän 7 keşedän dürtençeseneň mäyeten tabuın citkerä.