Dönya matbuğatına küzätü 07.05.2019

Soğud Ğaräbstanında ingliz telendä çığuçı “Alşarq Alavsat” gazetı Amerika Quşma Ştatları ilbaşı ğazzälelärne kisätä häm 3 wäkile Netanyaxunı täşwiq itä dip yaza.

Berläşkän Ğaräp Ämirlekläreneñ “El-Emarat El-Yaum“ basması Trampnıñ Qıtay êşlänmälärenä salımnarnı arttıru yanawınnan soñ altın bäyäläreneñ kütärelüen citkerä.

 “Welt.de” Amerika Quşma Ştatları däwlät särqätibe Mayk Pompeonıñ täwge Germaniya säfären yaqtırtuğa kiñ urın birä.

 “Weser-Kurier.de” yazğança ,xalıqara tikşerenü Germaniyada xatın-qızlarnıñ ir-atlardan tağın da kübräk êşläwen kürsätä.

İspaniyada çığuçı “El Mundo” gazetı Mayk Pompeonıñ tübändäge süzlären uquçıları belän urtaqlaşa:”Nikolas Maduro haman da däwlät başlığı wazıyfasın däwam itterä , ämma ilne idarä itä almıy”.

İspaniyanıñ “El País” gazetı Törkiyä yuğarı saylaw oyışması oppoziśiya namzäte ciñgän İstanbul şähär xakimiyäte başlığı saylawın ğamälgän çığardı dip xäbär itä.

Franśiyada çığuçı “Le Monde” gazetı Franśiya xökümäte yağulıq bäyälären kimetü yünäleşendä adım yasawnı küzdä totmıy dip belderä.

Rusiyäneñ “Vesti.ru” xäbär portalı tışqı êşlär ministrı Sergey Lavrovnıñ Pompeo belän ütkärgän söyläşüdä alğarış täêmin itelüe turında äytüen citkerä.

Rusiyädä çığuçı “İzvestiya” gazetı Ukrainada Rusiya belän säwdä xezmättäşlege betkän oçraqta anıñ ixtimal näticäläre söyläşelde dip belderä.

Rusiyäneñ “Lenta.ru” xäbär portalı Mäskäwdäge oçqıç faciğasında oçqıçnıñ artqı öleşendä utırğan yulçılardan barı tik 2 seneñ genä isän qaluın xäbär itä.

Tatarstannıñ “Tatar-inform” mäğ’lümat agentlığı xäbär itkänçä, Ramazan ayı başlanu belän Tatarstanğa, kürkäm ğadätkä äylängänçä, Diniyä nazaräte çaqıruı belän Törkiyädän Qor’än –xafizlar kilde.

Xafizlar Apas, Saba, Baltaç, Kukmara, Layış, Bua, Älmät, Çirmeşän, Yäşel Üzän rayonnarında ber ay däwamında täravix namazlarında Qor’än xätem qılaçaq.