Dönya matbuğatına küzätü 03.05.2019

Germaniyanıñ “Ard.de” televideniyese kanśler Angela Merkelnıñ Könbatış Afrika ile Malida wazıyfa başqaruçı alman ğaskärlärgä räxmät äytüen citkerä.

 “Deutsche Welle” xäbär itkänçä,Germaniyada çirkäwlärneñ äğ’za sanı 2060 nçı yılğa qadär yartılaş kimiyäçäk.

Germaniyanıñ könlek ”Welt” gazetı Merkel Orbanğa cawap birde häm uñçı partiyälär belän xezmättäşlekne kire qağa dip yaza.

Soğud Ğaräbstanında ingliz telendä çığuçı “Alşarq Alawsat” gazetı Vaşingtonnıñ 3 ayda 1 milliard dollar külämendä raketa kileşüe imzalawın citkerä.

Katarnıñ “Al-Raya Al-Katariya” basması Berläşkän Ğaräp Ämirlekläre häm Misırnıñ rol’ başqaruları Liviyada bäreleşlärneñ artuına kiterde dip belderä.

Rusiyäneñ “Today” kanalı Rusiyäneñ 2019 nçı yılda altın satıp aluda dönya liderı buluın citkerä.

“TASS” xäbär agentlığı beldergänçä, ukrainalı êşmäkär Kolomoyskiy Donbasstağı krizisnı watandaşlar suğışı bularaq bäyäläde.

”Ria Novosti” terrorçılarnıñ Süriyädäge Rusiya bazasına ut açuın xäbär itä.

İspaniyada çığuçı “El Mundo” gazetında dönya kürgän ber mäqalädä prem’yer-ministr Sanchez wazıyfa başqarğan däwerdä yaqınça 30 milliard yevro byudjet defiśitı barlıqqa kilä aluı küzdä totıla.

”Telesur” beldergänçä, Venesuêla däwlät başlığı Nikolas Maduro “İmperializm basıp alunı xaqlı itep kürsätergä teli. Venesuêla isä tınıçlıq teli” dip citkergän.

“France 24” televideniye kanalı Nikolas Maduro “tüntäreleşçelär”gä qarşı êşkä kereşte dip xäbär itä.

Şul uq kanal Hindıstanda Fani ğarasatı küzätelüen ,1 millionnan kübräk keşeneñ başqa urınnarğa küçerelüen citkerä.

Tatarstannıñ “Tatar – inform” mäğ’lümat agentlığı xäbär itkänçä, ğalimä Älfiyä Yosıpova Marmara universitetında tatar tele buyınça ğamäli däreslär birde. Magistrlar isänläşü süzlären, tatar telendä aralaşudağı stereotip cömlälärne öyrände. Ğalimä studentlar, magistrlarnıñ Qazan federal’ universitetı häm Qazan qalası, tatar tele belän bik qızıqsınuların da äytep uza.