Dön'ya matbuğatına küzätü 30.04.2019

Soğud Ğaräbstanında ingliz telendä çığuçı “Alşark Alawsat” Liviyäneñ başqalası Tripolidağı “uram bäreleşläre” turında yaza.  

Katarnıñ “Al-Raya Al-Katariya” basması Berläşkän Ğaräp Ämirlekläre Yämänneñ kön’yağın başqa töbäklärdän ayırırğa mataşa dip belderä.

Germaniyäneñ “Doyç Velle” matbuğat çarası yazğança, nemeś armiyäse, tänqıyt’läwlärgä qaramastan, Soğud Ğaräbstanı xärbilären öyrätüne däwam itä.

Şul uq ilneñ ard.de säxifäse “Kiläçäkneñ avtomobile - vodorodlı texnika: Boş yağulıq êlementlarına ışana” dip yaza. 

İspaniyäneñ “Diario de Sevilla” basması xäbär itkänçä,  Pedro Sançes xökümäte berüze idarä itärgä tırışaçaq.  

Ämma ilneñ “Êl Pais” gazetı İspaniyäneñ Watandaşlar partiyäse Sançeskä wäqalät birü öçen söyläşülärgä yabıq dip yaza

Şul uq ilneñ “La Vanguardia” gazetı yazğança: Rusiyädän qurqıp Könçığış häm Üzäk Awrupa xärbi çığımnarın arttırdı.

Şveyśariyäneñ “Le Temps” gazetı älege temanı däwam itep “Şveyśariyä saqlanuda Ukraina qadär çığım yasıy” dip yaza.

Franśiyäneñ “Le Figaro” gazetı xäbär itkänçä, DEAŞ liderı 5 yıldan soñ propaganda videosında kürende.

Rusiyä xäbär säxifäse Lenta.ru yazğança, Putin urtaq watandaşlıqnıñ Rusiyä öçen dä, Ukraina xalqına da fayda kiteräçägen söyli.

TASS xäbär agentlığı beldergänçä, Rusiyä hawa yulları şirkäte “UTair” bazardan çığarğa mömkin. Anıñ uzğan 2018nçe yıldağı zararı 22 milliard sum.

Tatarstannıñ “Tatar-inform” xäbär säxifäse yazğança, kompozitor Êl’mir Nizamovnıñ “Közge” operası İtaliyädä berençe tapqır quyıldı. Ul mäşhür biyüçe Rudol’f Nuriyevneñ tormışına bağışlana.