Dönya matbuğatına küzӓtü 26.04.2019

Angliyada basıluçı bӓysez ğarӓp gazetı “Alşark Alavsat” İrandağı su basularnıñ 37 yıl êlek yuğalğan Ğiraqlı ber ğaskӓrineñ mӓyeten ilenӓ qaytaruın citkerӓ.

Qatarda kön kürüçe “Al-Raya Al-Katariya” gazetı Soğud Ğarӓbstanındağı ülem cӓzalarınıñ AQŞtağı demokratlarnıñ açuın çığaruın yaza.

Misırnıñ “Al-Axram” basması beldergӓnçӓ Misır dӓwlӓt başlığı El-Sisi ğadӓttӓn tış xӓlneñ tağın 3 ayğa ozınaytıluına qarar birde.

Germaniyada çığuçı “Westdeutsche Allgemeine Zeitung” gazetı Yefӓk yulı oçraşuınıñ Pekinda başlanaçağın citkerӓ. Xӓbӓrgӓ kürӓ 100dӓn artıq ilneñ dӓwlӓt hӓm xökümӓt başlıqları belӓn wӓkillӓr qatnaşında bügen Qıtay başqalasında “Yefӓk yulı oçraşuı” başlana.

Şul uq ildӓ kön kürüçe “Süddeutsche Zeitung” gazetı Amerika Quşma Ştatlarınıñ êlekke viśe prezidentı Djo Baydennıñ 2020 yılda uzaçaq ilbaşı saylawında Demokrat partiyadan namzӓt bulaçağın citkerüen uquçıları belӓn urtaqlaşa.

Franśiyaneñ “Le Monde” gazetı beldergӓnçӓ ildӓ 2018dӓ 22300dӓn artıq keşene küzӓtep barğannar.

Şul uq ildӓ basıluçı “Le Figaro” gazetı dӓwlӓt başlığı Makronnıñ 2022 yılda uzaçaq ilbaşı saylawına zur ӓhӓmiyӓt birmӓwen ӓytüen yaza.

Rusiyӓneñ xӓbӓr sӓxifӓse İnterfax.ru Ukrainanıñ yaña dӓwlӓt başlığı Vladimir Zelenskiynıñ qısqa yal öçen Törkiyӓgӓ kitüen citkerӓ.

Rusiyӓdӓ kön kürüçe “Vzglyad” basması Rusiyӓdӓge neft’neñ pıçranuın xӓbӓr itӓ. Gazet yazuınça Awrupağa êşkӓrtelmӓgӓn neft’ qudıruçı “Drujba” liniyasendӓ krizis küzӓtelӓ, kran yabılğan.

Tatar-inform xӓbӓr agentlığı bıyılğı Tuqay premiyase iyӓlӓreneñ bilgelӓnüen yaza. Xӓbӓrdӓn kürengӓnçӓ premiyalӓr tantanalı töstӓ bügen açılğan İlham Şakirov isemendӓge konśert zalında tapşırıldı. Bıyıl Tuqay premiyasenӓ 16 namzӓt tӓqdim itelgӓn ide.